LAJMI I FUNDIT:

Për ajvar nevojiten së paku 3 mijë denarë

Për ajvar nevojiten së paku 3 mijë denarë

Shtatori është muaji i vështirësive për çdo amvisëri. Ai konsiderohet si muaji më me shumë harxhime, pasi fillon viti shkollor dhe njëkohësisht nisin përgatitjet për stinën e dimrit, si përgatitja e turshive, ajvarit dhe blerja e drunjve për ngrohje.

Shitja e specave të kuq veç më ka filluar, çmimet sillen prej 20 deri në 25 denarë për një kilogram, shkruan gazeta Koha. Pjesë e qytetarëve thonë se kënaqen derisa përgatisin turshi, ndërsa një pjesë tjetër thonë se për shkak se nuk kanë kohë ose mundësi nuk i përgatisin ato. Për disa familje problem paraqet banimi në ndërtesa, sepse me vendosjen e shporeteve në hapësirë dhe ndezje të zjarrit në hapësirë publike parashihen dënime me Ligjin për mbrojtje të ambientit jetësor.

Çmimi aktual i specave për shitësit është i ulët ndërsa për blerësit është shumë i lartë. Prodhuesit ankohen për numrin e vogël të blerësve dhe se detyrohen specat që kalben ti hedhin e ato janë në sasi të mëdha. “Për momentin interesimi i qytetarëve për të blerë speca të kuq është shumë i ulët, vijnë interesohen dhe nuk blejnë… shumë speca kemi hedhur pasi kalben”, tha një shitës specash përballë Ambasadës së Amerikës ku janë stacionuar një pjesë e madhe e tyre.

“Ne nuk përgatisim ajvar pasi jetojmë në ndërtesë në Xhon Kenedi, vitet e kaluara shkonim tek familjarët që banojnë nëpër shtëpi, mirëpo edhe ajo paraqet telashe dhe kemi vendosur të blejmë të gatshëm”, tha Sadije S. “Ende nuk kemi filluar përgaditjet e dimrit, pasi filloi viti shkollor dhe bëmë shumë harxhime, ndoshta në tetor nëse është më lirë do të bëjmë ajvar”, tha Sefedin A.

Nga 100 kilogram speca fitohen rreth 40 kavanoz ajvari, për këto harxhohen rreth 4 litra vaj. Nëse bëhet një përllogaritje e thjeshtë, për të bërë ajvar në familje duhet të harxhojë mbi 3 mijë denarë. Nëse merren parasysh edhe harxhimet tjera për malixhano, turshi, reçel, një familje duhet të ndajë më shumë se një rrogë mesatare për përgatitjet dimërore.

Sipas të dhënave të cilat dje i publikoi Enti shtetëror për statistikë, paga mesatare neto në qershor ka qenë 24.203 denarë, ndërsa nevojat minimale mujore të një familjeje katër anëtare në të njëjtin muaj, sipas Lidhjes së Sindikatave të Maqedonisë (LSM), kanë qenë 32.658 denarë. Vlera e shportës sindikale në qershor për 162 denarë është më e lartë se shporta sindikale në korrik, sipas LSM-së, janë nevojitur 32.496 denarë për nevojat themelore mujore.

Përndryshe, me vendim nga qyteti i Shkupit ndalohet rreptësisht përgatitja e ajvarit në zona publike. Inspektorët do të kontrollojnë dhe do të gjobisin me 50 euro çdo shkelje të këtij vendimi. Ndëshkime do të marrin shitësit me shumicë të perimeve në vende publike.
Zyrtarët e qytetit kanë shpjeguar se përdorimi i hapësirave publike për gatime thonë se shkatërrohen hapësirat publike, dhe kjo është e ndaluar që nga viti 2008. Dënimi për këtë është 50 euro apo 3000 denarë. /koha.mk/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori