Pensionisti amerikan vret dy ambientalistë, i kërcënoi me revole për shkak të bllokimit të rrugës në Panama – i qëlloi para kamerave

Një shofer të martën vrau dy demonstrues që mbrojnë kauzën e ruajtjes së natyrës, që kishin bllokuar rrugën në Panama, e bëhet fjalë për një pensionist amerikan.

Keneth Darlington, 77-vjeç, u shfaq në sallën e gjyqit në qytetin La Espiga, ku pas një seancë mbi dy orë i është caktuar masa e paraburgimit, transmeton Telegrafi.

Sipas mediave lokale, shtetasi amerikan i lindur në Panama, që shihet në video dhe fotografi duke vrarë dy arsimtarë që bllokojnë rrugën drejt autostradës – më herët ishte dënuar për posedim të kundërligjshëm të armëve të zjarrit.

Siç pretendohet, ai kishte thënë “se këtu do të merr fund”, para se t’i afrohej protestuesve në pjesën e Panamasë në autostradë dhe ishte përfshirë fillimisht në një konflikt verbal me grupin e burrave, në mesin e të cilëve dy i qëlloi me armë.

Para një numri të madh të fotografëve dhe ekipeve televizive, që filmonin protestën, ai vrau dy burra. Eliser Pliset, avokati i viktimës, ka thënë se Darlington akuzohet për vrasje dhe posedim të kundërligjshëm të armëve.

Megjithatë, mediat lokale raportojnë se ai mund të shmang dënimin me burg, për shkak të moshës që e ka.

#Chame / Al no poder avanzar a causa del cierre vial, el victimario se bajó del automóvil, amenazó a los protestantes y disparó a dos de ellos. Una de las víctimas fatales era docente y la otra era el esposo de una educadora. Video EFE / Carlos Lemos pic.twitter.com/T5pacQb2yx

— La Prensa Panamá (@prensacom) November 7, 2023

Demonstruesit prej tri javësh po udhëheqin fushatën kundër marrëveshjes së qeverisë së Panamasë me kompaninë kanadeze, që menaxhon minierën më të madhe të bakrit në Amerikën Qendrore. /Telegrafi/