“Më pëlqen shumë të jem nënë”, Emily Ratajkowski kujton shtatzëninë e saj teksa bisedon me Hailey Bieber

Emily Ratajkowski bëri emër si aktore dhe modele, por tani ajo po kënaqet me rolin e saj si nënë.

30-vjeçarja u takua me kolegen e saj  Hailey Bieber në emisionin e saj “Who’s In My Bathroom” në YouTube, ku kujtoi sfidat e të qenit shtatzënë me djalin e saj tani njëvjeçar, Sylvester.

Emily dhe Hailey u veshën me me xhinse dhe xhaketa ndërsa ishin ulur në një tavolinë në mes të një banjoje të improvizuar për emisionin në internet të Bieber.

Ratajkowski, e cila kohët e fundit festoi përvjetorin e katërt të martesës me bashkëshortin Sebastian Bear-McClard, u pyet nga Hailey: “Si ishte shtatzënia për ty? Si ishte ajo eksperiencë? Nuk kam ende fëmijë, por më pëlqen, pyes miqtë e mi”.

Lexo po ashtu Emily Ratajkowski publikon poza nudo të realizuara gjatë shtatzënisë

“Ndjehem sikur ti i ke dashur gjithmonë fëmijët gjithashtu”, tha Emily, gjë për të cilën Hailey ra dakord.

Teksa Emily vazhdoi: “Edhe unë i dua ata, dhe rezulton se më pëlqen shumë të jem nënë, disi e dija këtë. Është një nga ato gjëra që nuk e bën plotësisht derisa të jesh në këtë pozicion ku kjo gjë e vogël ka nevojë për ty në çdo sekondë dhe në çdo fazë të saj. Thjesht u ndjeva kaq e përulur që trupi im mund ta bënte këtë dhe ta kisha këtë person të mrekullueshëm”.

Lexo po ashtu Pasi Hailey Bieber pësoi sulm në tru në moshën 25-vjeçare, këto janë shenjat që nuk duhet t'i injoroni kurrë

Emily njoftoi se lindi djalin e saj “në mëngjesin më surreal, të bukur dhe të mbushur me dashuri të jetës sime”, në një postim të përzemërt të shpërndarë disa ditë pas ditëlindjes së tij më 8 mars.

Është e paqartë se kur u regjistrua emisioni, ndërsa Hailey zbuloi në fillim të këtij muaji se ajo ishte shtruar në spital pasi pësoi simptoma të ngjashme me sulmin në tru për shkak të një mpiksje të vogël gjaku në trurin e saj. /Telegrafi/