Pelosi nuk dorëzohet: Duhet formuar komisioni që do të hetojë hyrjen e dhunshme në Kongresin amerikan

Drejtuesja e Dhomës së Përfaqësuesve të Kongresit amerikan, Nancy Pelosi, ka deklaruar se ligjvënësit do të duhej të formonin një komisionin të pavarur – që për detyrë do të kishte analizimin e sulmit vdekjeprurës të mbështetësve të ish-presidentit amerikan Donald Trump gjatë 6 janarit në Kongresin amerikan.

Në letrën dërguar ligjvënësve, Pelosi ka propozuar që komisioni do të duhej të formohet sipas modelit të hetimit të rrethanave të sulmit terrorist në New York dhe Washington gjatë 11 shtatorit 2001 – dhe do të ishte kompetent të analizoj “faktet lidhur me gatishmërinë e policisë dhe agjencive tjera federale të sigurisë”, transmeton Telegrafi.

“Duhet të hetohet gjithçka çfarë ka ndodhur”, ka porositur edhe senatori nga Louisiana, Bill Casiddy, njëri nga shtatë republikanët që kanë votuar pro gjykimit të Donald Trumpit.

Pas më shumë se një muaji nga sulmi mbi Kongresin amerikan, ku humbën jetën pesë persona – kompleksi në Capitol Hill është siguruar nga më shumë se 5 mijë anëtarë të organeve të sigurisë. /Telegrafi/