Pedri mezi pret transferimin e Nico Williams: Do të ishte një nënshkrim i pabesueshëm

Nico Williams është bërë objektivi kryesor i Barcelonës për repartin e sulmit, por katalunasit po hasin në vështirësi për transferimin e tij.

Mesfushori spanjoll i Barcelonës, Pedri ka thënë se transferimi i Nicos do të ishte një nënshkrim spektakolar për Barcelonën.

“Nico Williams do të ishte një nënshkrim spektakolar për ne te Barcelona , ​​do të ishte e pabesueshme”, ka thënë Pedri për Mundo Deportivo.

Lexo po ashtu Bilbao refuzoi ofertën e parë, Barcelona po përgatit ta përfshijë edhe një futbollist në ofertën e dytë për Nico Williams

“Ai është një lojtar që tashmë po tregon atë që është i aftë. Shpresoj se ai mund të na bashkohet!” ai shtoi.

Më herët Lamine Yamal ka shprehur dëshirën për të luajtur përkrah Nico Williams te Barcelona.

Pavarësisht se dy yjet e Barcelonës bëjnë thirrje për ngritjen e mundshme të Nicos, është e vështirë për klubin që ta përballojë 21-vjeçarin për momentin.

Lexo po ashtu Chelsea përgatit një mega ofertë për Nico Williams

Anësori bask ka një klauzolë lirimi prej rreth 55 milionë euro dhe Athletic Club nuk janë të gatshëm ta ulin atë.

Nico Williams shënoi tetë gola dhe dha 16 asistime në 37 paraqitje për Bilbaon këtë sezon. Ai gjithashtu ka dy gola në tre ndeshje për Spanjën në Euro. /Telegrafi/