Deputeti shqiptar Shaip Kamberi në një intervistë në “Përballje” në Telegrafi.com me kryeredaktorin Muhamet Hajrullahu ka folur për pasivizimin e adresave të shqiptarëve në Luginë të Preshevës, konkretisht në komunën e Medvegjës.
Kamberi theksoi se pas Medvegjës po rrezikohet edhe komuna e Bujanocit ku në mënyrë institucionale po bëhet pasivizimi i adresave të shqiptarëve, të cilët janë zhvendosur nga këto komuna.
Ai tha se për shqiptarët që jetojnë në Luginë duhet të krijohet mirëqenie, në mënyrë siç tha ai mos të largohen nga ky vend.
“Tema e pasivizimit dhe ajo që është më me rëndësi në dialog me Serbinë, të shtrohet tema e të drejtave të shqiptarëve në Luginën e Preshevës në mënyrë që të krijohet një mirëqenie këtu, në mënyrë që njerëzit mos të largohen sepse problemet e shumta politike, ekonomike kanë ndikuar që largimin dhe migrimin e kemi në masë që po e zvogëlon bërthamën kombëtare. Medvegja me 700 banorë sa jetojnë atje gati është e zbrazur, Bujanoci po ashtu po rrezikohet. Pra, është momenti i fundit që dy qeveritë të ndërtojnë një program të përbashkët apo secila të ketë programin e vet veç e veç me të cilin do të ndihmohet me projekte konkrete në mënyrë sistematike në Luginën e Preshevës”, ka thënë ndër të tjera, deputeti shqiptar në Parlamentin e Serbisë, Shaip Kamberi.
Ai gjithashtu ka folur edhe për kontributin e dy qeverive Kosovë dhe Shqipëri, të cilët dhanë për shqiptarët e Luginës së Preshevës, Medvegjës dhe Bujanovcit.
Kamberi tha se ish-ministri i Punëve të Jashtme të Shqipërisë, Gent Cakaj ishte angazhuar që të krijoj listën e përbashkët parlamentare të të gjitha partive me shqiptarë, në Serbi.
Ai po ashtu tregoi edhe ndihmën financiare që e kanë dhënë dy qeveritë e Kosovës, ajo e drejtuar nga Avdullah Hoti dhe ajo e Albin Kurtit.
“Dy vitet e fundit ka lëvizje pozitive në këtë drejtim, kemi angazhimin e ish-ministrit Gent Cakaj për krijimin e listës tonë parlamentare, nga pesë parti e cila u bë. Një angazhim që për herë të parë pesë partitë të bashkohen dhe të marrin pjesë në zgjedhjet parlamentare. Kemi vendimin e Qeverisë në Prishtinë, për vendimin për Luginën e Preshevës dhe kemi vendimin e dy qeverive për ndërtimin e fondit për Luginë të Preshevës. Këto kanë mbetur tash për tash vendime të cilat duhet të operacionalizohen kemi disa raste ku edhe drejtpërdrejtë janë dhënë ndihmat financiare. Qeveria Hoti për Bujanovcin ka ndarë ditë më parë 200 mijë euro për shkak të vërshimeve që e kanë goditur komunën tonë, qeveria Kurti kishte ndarë 500 mijë euro për Luginën e Preshevës për shkak të pandemisë”, ka thënë ai.
Mirëpo, siç tha Kamberi duhet të krijohet një program i veçantë nga dy qeveritë Kosovë-Shqipëri për shqiptarët që jetojnë në Serbi.
“Ajo që dua të them është që nuk dëshiroj që Kosova dhe Shqipëria të sillen ad hoc pas situatave emergjente kur krijohen në Luginën e Preshevës, por të kenë një program të veçantë ku do të trajtohen të gjitha temat”, u shpreh ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
MPB jep detaje për aksidentin në Radovish
Gruaja që vdiq në Spitalin e Prizrenit ishte 24-vjeçare, shtatzënë
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City