Deputeti shqiptar, Shaip Kamberi në një intervistë në “Përballje” në Telegrafi.com me kryeredaktorin Muhamet Hajrullahu jep detaje se si dhe nga kush u pengua të mbajë fjalim shqip në Kuvendin e Serbisë gjatë seancës parlamentare.
Kamberi sqaroi se fjalimin e tij e kishte përgatitur një ditë më herët në gjuhën shqipe, për të cilën e kishte paralajmëruar sekretariatin e Kuvendit të Serbisë.
Sipas tij, zyrtarë të Kuvendit përmes telefonit ishin munduar ta bindin deputetin Kamberi që fjalimin e tij në gjuhën shqipe ta shtyjë për një ditë tjetër, me arsyetimin se nuk kishin përkthyes.
Mirëpo, siç tha Kamberi ai ishte i vendosur ta mbaj këtë fjalim, jo që të dëshmoj se Serbia është një shtet demokratik, por për të dëshmuar një element të identitetit shqiptarë, pasi të hënën siç tha ai Gjykata e Lartë në Beograd, kishte refuzuar padinë e Këshillit Kombëtar Shqiptarë për ta dënuar Aleksandar Vulinin për gjuhën e urrejtjes ndaj shqiptarëve.
“Fjalimi në Kuvendin e Republikës së Serbisë, neni 9 lejon që deputetët që janë pjesëtare të pakicave të mund t’i adresohen kuvendit qoftë me gojë ose me shkrim edhe në gjuhën e vet. Kjo kërkon përgatitje teknike të cilat nuk ishin. Meqë e kisha përgatitur fjalimin një ditë më herët, në mëngjes e kisha njoftuar sekretariatin që do të shtroj pyetje në kuvend në gjuhën time amtare dhe ata paraprakisht para seancës përmes telefonit janë munduar të më bindin që ta shtyjë fjalimin pasi nuk munden të sigurojnë përkthyes. Qëllimi nuk ishte që të dëshmoj që Serbia është një shtet demokratik, por pikërisht kisha për qëllim që menjëherë një ditë pas vendimit të Gjykatës së Lartë në Beograd, e cila refuzon padinë e Këshillit Kombëtar Shqiptarë për ta dënuar Aleksandër Vulin për gjuhën e urrejtjes ndaj shqiptarëve të flas në gjuhën shqipe për të dëshmuar një element të rëndësishëm të identitetit shqiptarë”, sqaroi ai.
Deputeti Kamberi po ashtu tha se në shtetin e Serbisë nuk respektohet e drejta legjitime e gjuhës amtare.
“Siç e patë në një Serbi kontraverse gjendja e pakicave në praktikë ndryshon dukshëm. Një e drejtë e imja legjitime që t’iu drejtohem në gjuhën time amtare u përball me bërtitmë dhe zhurmë të shumicës e sidomos nga deputetët e Aleksandar Vuçiqit, që edhe ashtu e përbëjnë shumicën në parlament”, tha tutje Kamberi.
Ai gjithashtu tha se fjalimet e tij, deri dje i ka bërë në gjuhën serbe me qëllimin e vetëm që problematikat e shqiptarëve t’i kuptojnë qytetarët serbë.
“Deri dje fjalimet e mia i kam paraqitur në gjuhën serbe në mënyrë që t’i adresohem opinionit në Serbi për problematikat që i kanë shqiptarët. E problematikat kryesore janë në mungesë të demokracisë, të tolerancës sidomos intoleranca më e madhe është ndaj shqiptarëve dhe për shkak të raporteve me Kosovën, ajo që përcaktohet si legjislacion në praktikë nga instrumentet politike pengohet siç e patë në rastin konkret në parlament”, tha tutje deputeti në Kuvendin e Serbisë, Kamberi.
I pyetur se a do t’i pamundësohet në të ardhmen që të mbaj sërish fjalime në gjuhën shqipe, Kamberi tha: “ Deri tash s’jam orientuar t’i mbaj fjalimet e mia në gjuhën shqipe pikërisht për shkak të përkthimit. Shqiptarët në tërësi janë të njohur me problematikat e shqiptarëve në Luginën e Preshevës dhe s’kam pse tua sqaroj atyre, por serbët nuk janë të njoftuar me këto problematika dhe u pa se ata nuk kuptojnë gjuhën tonë edhe kur flasim në gjuhën e tyre”.
Në këtë intervistë ai ka folur edhe për pasivizimin e adresave të shqiptarëve në komunën e Medvegjës nga ana e institucioneve të Serbisë.
Kamberi tregon edhe për diskriminimin që po u bëhet shqiptarëve në Luginë të Preshevës në përgjithësi./Telegrafi/
Promo
Reklamo këtuLufta Prigozhin - Putin
Më shumëVotoi pro Kosovës në Asamblenë Parlamentare të KiE-së, kërcënohet deputeti boshnjak
Diskriminimi ndaj shqiptarëve në Serbi, Von Cramon dhe eurodeputetët e tjerë shprehin shqetësimin dhe kërkojnë veprime
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Gazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert