Pas prezantimit të Hazardit, këto janë dy formacionet e mundshme të Zidanet me belgun yll të skuadrës

Pas prezantimit të madh të Eden Hazardit në Santiago Bernabeu, duket qartë se formacioni i Zinedine Zidanet për sezonin 2019/20 do të përbëhet nga ylli belg dhe dhjetë të tjerë.

Hazard do të jetë xhevahir i projektit të ri të Real Madridit dhe ai do të udhëheqë ekipin, i cili tani pas një sezonit të dështuar përballet me kërkesa më të larta se kurrë.

Pra, si mund të vijmë deri tek Real Madridi i ri i Zidanet? Francezi dha disa deklarata të tij në fund të sezonit kanë dhënë tashmë një ide rreth formacionit.

Lexo po ashtu Gjithçka çfarë ndodhi në prezantimin e Eden Hazard te Real Madridi: Arritja në kryeqytet, testet mjekësore, konferenca, fanella pa numër, fansat dhe puthja e logos së klubit

“Formacioni madje mund të ndryshojë renditjen”, ka thënë Zidane në një bisedë të tij me mediat.

Duket sikur formacioni 4-3-3 që Zidane ka favorizuar gjatë kohës së tij në krye të Real Madridit, nuk është më i vetmi opsion.

Hazard mund të luajë në të majtë në sistemin 4-3-3, por mund të veprojë në rolin e numrit 10 në një formacion 4-2-3-1, me Vinicius Junior që do të luante në të majtë.

Lexo po ashtu Hazard tregon bisedën që pati me Modric: Ia kërkova numrin 10 sa isha te Chelsea

Një zgjidhje tjetër mund të shohë Hazardin dhe Viniciusin të luajnë nga krahët, njëri në të majtë dhe tjetri në të djathtë, për të bërë hapësirë ​​për një mesfushor krijues si Luka Modric.

Zidane thuhet gjithashtu se po shtyn shumë edhe për transferimin e Paul Pogba në Bernabeu, me francezin që do të luante në krahë të Toni Kroosit. /Telegrafi/