Pas Kosovës edhe agjencitë turistike nga Maqedonia e Veriut me oferta të veçanta për ta vizituar Prishtina Mall

Prishtina Mall të enjten e javës së kaluar ka hapur dyert e saj për të gjithë qytetarët e vendit dhe të rajonit.

E për ta vizituar këtë qendër tregtare që është shndërruar më e madhja në rajon, qytetarët nuk kanë nevojë të shkojnë në shtetet tjera, por mjafton të vizitojnë Prishtinën.

Pas Kosovës, tashmë kompanitë turistike nga Maqedonia e Veriut kanë filluar me ofertat e tyre për ta vizatuar Prishtina Mall.

Aty thuhet, se përveç vizitës në këtë qendër tregtare, pas blerjeve klientët do ta kenë një vizitë në qytetin e Prishtinës.

Ditë më parë, i pari i gastronomeve të Kosovës, Petrit Kllokoqi kishte publikuar një video se si qytetarët nga Maqedonia e Veriut kanë krijuar kolona të gjata për të arritur në këtë qendër tregtare.

Lexo po ashtu Sensacioni Prishtina Mall: Agjencionet nisin linjë të veçantë për në qendrën më të madhe tregtare në rajon

Prishtina Mall ka një hapësirë prej 240 mijë metra katrorë nga të cilat mbi 16 mijë metra katrorë janë të dedikuara për argëtim.

Në këtë qendër janë të punësuar mbi 2,500 persona. /Telegrafi/