Partitë shqiptare në Maqedoni urojnë Edi Ramën për fitoren në zgjedhjet parlamentare
Liderët e partive shqiptar në Maqedoni kanë uruar Edi Ramën për fitoren në zgjedhjet e 25 prillit.
Kryetari i Aleancës për Shqiptarët, Ziadin Sela ka uruar kryeministrin e Shqipërisë, Edi Rama për fitoren në zgjedhjet e rregullta parlamentare të 25 prillit.
“Shumica e shqiptarëve të Shqipërisë vendosën për t’i dhënë një mandat të tretë Partisë Socialiste të Shqipërisë të udhëhequr nga Kryeministri Edi Rama. Është ky verdikti i sovranit që i dha besimin dhe përgjegjësinë PS-së dhe Edi Ramës për të vazhduar me qeverisjen e Shqipërisë dhe ky vullnet i shumicës duhet respektuar e vlerësuar.
Përgëzime për procesin e votimit gjithë shqiptarëve të Shqipërisë, bashkë me maturinë qytetare gjatë mbarëvajtjes së procesit të votimit sipas standardeve. Meritat pa dyshim u takojnë votuesve, por edhe institucioneve të Shqipërisë bashkë me komisionerët dhe vëzhguesit e të gjitha partive politike”, shkruan Sela.
Edhe kryetari i Alternativës ka uruar Ramën për fitoren e Socialistëve në zgjedhjet e 25 prillit.
“Më lejoni së pari t’ju përgëzoj për organizimin e zgjedhjeve parlamentare të dielën, me ç’rast edhe një herë dëshmuat se Shqipëria ka mjaftueshëm pjekuri institucionale dhe demokratike. Po ashtu dëshiroj t’jua uroj edhe fitoren dinjitoze dhe të plotë që ju e Partia Socialiste e keni shënuar në këto zgjedhje. Sovrani foli, ju dha mbështetje për politikat e deritanishme dhe ju dha një mandat të ri për ta ndërtuar Shqipërinë”, shkruan Gashi.
Kryetarit të Socialistëve të Shqipërisë Edi Ramës fitoren ia ka uruar edhe kryetari i Lëvizjes Besa Bilall Kasami.
“Urime për mikun tim njëherit edhe Kryeministër i Republikës së Shqipërisë z. Edi Rama për fitoren e madhe të 25 prillit. Niveli i lartë i demokracisë së treguar në zgjedhjet, pranimi i rezultatit nga kundërshtarët tregon qartë frymën evropiane të shtetit Shqiptar.
Në emrin tim personal dhe të Lëvizjes Besa uroj Partinë Socialiste me në krye Edi Ramën për këtë fitore, me shpresë se bashkë në një bashkëpunim edhe më të fortë do të arrijmë të dalim nga sfida e pandemisë globale, rimëkëmbjen ekonomike e që me shpresë që Republika e Maqedonisë së Veriut dhe Shqipëria të bëhen anëtare të BE-së”, shkruan Bilall Kasami.
Më herët edhe kryetari i Bashkimit Demokratik Ali Ahmeti ka uruar Ramën për fitore./Telegrafi/
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre