Partitë shqiptare në Maqedoni nuk ua besojnë pozitat udhëheqëse grave
Partitë politike shqiptare në Maqedoni nuk kanë zgjedhur asnjë grua për poste ministrore në Qeverinë e re.
Bashkimi Demokratik për Integrim (BDI) dhe Aleanca për Shqiptarët (ASH), kanë deleguar në poste ministrore vetëm burra, përderisa partitë maqedonase ua kanë besuar grave drejtimin e tri ministrive, ku bëjnë pjesë dhe dikasteri i Mbrojtjes.
Aktualisht, në procedurë është zgjedhja e zëvendësministrave. Në këtë listë në mesin e gjashtë kandidatëve të propozuar, figurojnë vetëm dy gra.
Në Kuvendin e Maqedonisë, partitë politike shqiptare janë të përfaqësuara me 20 ulëse, përderisa vetëm tri prej tyre u takojnë grave. Një gjendje e tillë tregon se se partitë politike shqiptare në Maqedoni janë larg plotësimit të kërkesës ligjore, sipas të cilës, gratë në institucionin legjislativ duhet të jenë të përfaqësuara me 30 për qind.
Përderisa partitë maqedonase e kanë respektuar plotësisht këtë direktivë ligjore.
Në deklarimet e tyre për Radion Evropa e Lirë, partitë politike shqiptare thonë se ulja e numrit të përfaqësimit të grave në Kuvend ka të bëj me uljen e përgjithshme të numrit të deputetëve shqiptarë në këtë përbërje parlamentare.
Por, organizatat të cilat kanë në fokus mbrojtjen e të drejtave të grave thonë se pa respektimin e ligjit për barazi gjinore në të gjitha nivele, nuk mund të flasim për demokratizim të shoqërisë.
“Ne nuk pajtohemi me nivelin e ulët të përfaqësimit të femrave në politikë, veçanërisht në pushtetin ekzekutiv, aty ku merren vendime, ku aktualisht vendosin vetëm burrat. Për situatën tonë, janë vetëm burrat ata që vendosin se çdo të bëhet, ndërkohë që gruaja participon si në shtëpi me angazhime të shumta, ashtu dhe në jetën shoqërore”.
“Duke participuar në familje në aspektin financiar, megjithatë kur bëhet fjalë për politikë ajo mbahet anash”, është shprehur Xhane Kreshova nga forumi i gruas në Tetovë.
Gjyla Çeliku nga Këshilli Iniciues për Përfaqësim të Drejtë të Gruas tha për Radion Evropa e Lirë se partitë politike shqiptare në Maqedoni, me politikat e tyre, në vazhdimësi pamundësojnë që gratë të jenë në krye të pozitave udhëheqëse.
“Mospërfaqësimi i saj (gruas) në pozitat udhëheqëse, lere që e dëmton të drejtën e gjinisë femërore, por njëkohësisht ata burra që janë në krye të partive, anashkalojnë femrën që i ka lindur”, tha Çeliku.
Mospërfaqësimi i femrës në pozita udhëheqëse në Republikën e Maqedonisë, sipas saj, tregon për politika jo mirë të menaxhuara në frymën patriarkale.
Ndërkaq, Safije Dehari e cila më shumë se dy dekada drejton aktivitete të cilat kanë të bëjnë me avancimin e pozitës së gruas në shoqëri, thotë se nuk duhet të pritet që burrat me dëshirën e tyre të heqin dorë nga pushteti i tyre absolut në politikëbërje, gratë duhet të tregohen më të guximshme dhe më këmbëngulëse që ky pushtet të ndahet në formë të barabartë .
“Tani diskutojmë se pse gjinia femërore nuk është e përfaqësuar në drejtimin e ministrive ose pse është e përfaqësuar aq dobët në pozitat vendimmarrëse. Unë do të shkoja dhe më larg. Ku qëndron problemi që asnjë parti politike nuk drejtohet nga një grua?! – në këtë drejtim të gjithë ne duhet të luftojmë që kjo gjendje të përmirësohet”, ka nënvizuar Dehari.
Organizatat joqeveritare, që në fokus kanë të drejtat e grave, theksojnë se për respektimin e barazisë gjinore në pozitat vendimmarrëse, nuk nevojiten ndryshime ligjore, sepse në Maqedoni ekzistojnë një varg ligjesh që në aspektin legjislativ garantojnë barazinë gjinore, duke marrë si model legjislacionin e vendeve të zhvilluara evropiane mjafton që këto dispozita të gjejnë zbatim në praktikë.
Lufta Prigozhin - Putin
Më shumëAksident i rëndë në Suharekë, dy të vdekur
Regjistrimi i diasporës: Çfarë përfiton Kosova?
Një muaj paraburgim ndaj boshnjakut që dyshohet për krime lufte kundër shqiptarëve në Gjakovë
LDK u vendos “vija të kuqe” të gjitha partive politike për koalicione parazgjedhore
Dobësimi i Euros në Shqipëri shtrenjton paketat turistike
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur