Universiteti i Prishtinës “Hasan Prishtina”, deri në orën 14:00 nuk ka marrë vendimin për miratim të propozimit të Senatit të Universitetit të Prishtinës për regjistrimin e studentëve në nivelin e parë të studimeve në vitin akademik 2017/2018 nga Ministria e Arsimit Shkencës dhe Teknologjisë.
Prandaj edhe nuk e ka hapur konkursin për pranim të studentëve për këtë vit akademik. Këtë e ka bërë të ditur rektori i Universitetit të Prishtinës “Hasan Prishtina”, Marjan Dema për KosovaPress.
Dema tha se shumë studentë studentë kanë dal sot për t’i dorëzuar dokumentet por që janë kthyer prapa.
“Edhe në këtë moment që jemi duke fol ne ende nuk kemi marrë vendim nga Ministria e Arsimit për aprovimin e numrit të studentëve që do të pranohen në Universitetin e Prishtinës. Më vjen shumë keq që ka dal informata e gabueshme dhe studentët kanë ardhur kanë trokitur për dyer të fakulteteve tona të Universitetit të Prishtinës për t’u regjistruar, mirëpo apeloj tek ta që të mos vijnë deri sa ne nuk e shpallim konkursin”, tha rektori.
Rektori Dema tha se konkursin do ta shpallin në momentin që Ministria e Arsimit i dërgon vendimin për miratim të propozimit të Senatit të Universitetit të Prishtinës për regjistrimin e studentëve në nivelin e parë të studimeve në vitin akademik 2017/2018.
“Konkursin do ta shpallim shumë shpejt, në momentin kur Ministria na e bjen vendimin dhe ne nesër e kemi aprovimin e kushteve për regjistrim edhe besoj që në një afat sa më të shpejtë do ta shpallim. Ajo çka varet prej nesh është se ne jemi gati dhe presim që ta marrin vendimin. Unë kërkoj falje, nuk ka rrjedh kjo prej Universitetit të Prishtinës, ka rrjedhë prej mediave apo nuk e di prej kujt, prej atyre që kanë qenë të painformuar se sot fillon regjistrimi, sot fillon konkursi. Konkursi fillon prej momentit kur ne shpallim konkursin, kanë me qenë datat, kanë me qenë agjenda ka me qenë çdo gjë transparente, ka me qenë çdo gjë paraprakisht e lajmëruar”, tha ai.
Vendimet për shpalljen e konkursit i janë dërguar Rektoratit të Universitetit të Prishtinës “Hasan Prishtina”. Të paktën kështu është sipas këshilltarit të ministrit të Arsimit,Arsim Bajrami.
Këshilltari Faton Fetahu, tha për KosovaPress nëpërmjet telefonit se gjatë ditës së djeshme ministri Bajrami i ka miratuar të gjitha kërkesat e Universiteteve për miratimin e numrit të studentëve.
Po ashtu, ai tha se vendimet i janë dërguar gjatë ditës së djeshme dhe pritet që gjatë ditës së sotme që t’i marrin.
“Ministri Bajrami dje i ka miratuar të gjitha kërkesat e Universiteteve për miratimin e numrit të studentëve, përkatësisht lejimit për regjistrim të studentëve në vitin e ri akademik 2017 22018.Shërbimi i Ministrisë së Arsimit sot i ka dërguar të gjitha universiteteve këto vendime dhe tani është në përgjegjësinë e Universiteteve sipas planit të tyre të shpallin konkursin dhe të realizojnë procesin e regjistrimit. Do të thotë përgjegjësi e universitetit është çështja e shpalljes së konkurseve. Sigurisht sot gjatë ditës do t’i pranojnë vendimet. Gjatë ditës së djeshme i kemi dërguar vendimet dhe sot pritet t’i marrin”, ka thënë Fetahu.
Ndërkohë edhe përmes një komunikate gjatë ditës së djeshme Ministria e Arsimit Shkencës dhe Teknologjisë ka njoftuar se ka aprovuar numrin e studentëve të rinj, të cilët do të pranohen në programet e akredituara të nivelit bachelor në universitetet publike të Kosovës.
Po ashtu, përmes komunikatës MASHT kishte njoftuar që nga sot, të gjithë kandidatët e interesuar për studime në universitetet publike do të mund të aplikojnë për pranim në universitetet në Prishtinë, Prizren, Gjakovë, Gjilan, Pejë, Mitrovicë dhe Ferizaj.
Promo
Reklamo këtuLufta Prigozhin - Putin
Më shumëArratiset Enver Sekiraqa, Policia ka informuar të gjitha vendkalimet kufitare
Goditen grupet kriminale në Shqipëri, sekuestrohen pasuri në vlerë 4.5 milionë euro, arrestohen 50 persona
U raportua se tregoi para Policisë së Serbisë të dhëna për UÇK-në, Durmishi: Është dokument i falsifikuar, jo deklaratë e imja - nuk shantazhohem dot nga UDB-ja
Rrëshqet dheu në rrugën Klinë - Gjakovë, bllokohet qarkullimi i automjeteve
Ahmeti: Nuk duhet të hapim front midis shqiptarëve dhe maqedonasve
Kurti priti në takim udhëheqësit e koalicionit VLEN, i përgëzon për rezultatin zgjedhor në Maqedoninë e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore