Pantina: Pandemia COVID-19 do të lë shumë pasoja, por në fushën e arsimit do të ndihen gjatë

Ish-deputetja Shqipe Pantina ka thënë se problemi kryesor në Kosovë është arsimi, prandaj do të duhej të ishte prioritet.

Pantina në një postim në rrjetin social Facebook shkruan se pasoja nga pandemia COVID-19 do ketë në shumë fusha të jetës, por në fushën e arsimit ato do të ndihen gjatë.

“Problemi kryesor në Kosovës është arsimi, prandaj edhe do të duhej të ishte prioritet mbi do prioritet tjera. Pasoja nga pandemia COVID-19 do ketë në shumë fusha të jetës, por në fushën e arsimit ato do të  ndihen gjatë. E për fat të keq deri më tani çështja e arsimit nuk është marrë seriozisht as nga politika por as nga media. Ne themi që fëmijët dhe rinia është e ardhmja jonë, por më së paku këto ditë është menduar për të ardhmen e tyre. Prandaj i lutem: Adriatik Kelmendi Ermal Panduri, Leonard Kerquki, Ridvan Berisha, që të organizojnë debate me njohës të fushë së arsimit për të diskutuat si mund të zbuten pasojat e kësaj pandemia në fushën e arsimit, çfarë do ndodhë me këtë vit shkollor, si dhe kur do përmbyllet etj, etj.” /Telegrafi/