Policia e Kosovës në orët e mëngjesit ka bastisur Ministrinë e Industrisë, Tregtisë dhe Ndërmarrësisë. Nga këtu janë shoqëruar në Polici drejtori i Departamentit për Rezervat Shtetërore të Mallrave, Hafiz Gara, dhe drejtori i Departamentit për Integrim Evropian dhe Koordinim të Politikave, ish-sekretari Irfan Lipovica.
Bastisje ka pasur edhe në shtëpinë e Ridvan Muharremit, person ky që u raportua se është i afërt me kryeministrin Albin Kurti.
Bastisjet janë bërë pas publikimeve të incizimeve lidhur me aferën e “grurit dhe vajit”.
