Pacolli: Asnjëherë nuk u ndala të besoj në bukurinë e ëndrrave të mia

Në një ceremoni në Prishtinë, sonte është shënuar 25 vjetori i themelimit të Kompanisë “Mabetex Grup”, që është njëra nga kompanitë më të suksesshme në botë, e themeluar dhe e udhëhequr nga një shqiptar.

Presidenti Kompanisë “Mabetex Grup”, Bexhet Pacolli ka thënë se Mabetex është një kompani që është krijuar me shumë mund dhe sfida, ku sipas tij eksperienca 25 vjeçare me njerëzit në Mabetex, ishte e mahnitshme, raporton KosovaPress.

’Mabetex është një kompani e cila është krijuar me shumë mund, me shumë sfida, rruga ka qenë e vështirë, për arsye se unë i isha i ardhur nga Kosova, në Perëndim në qendër të Evropës. E kam pasur shumë të vështirë ta arsyetoj qëndrimin tim atje, e lëre më ta arsyetoj punën time. Unë asnjëherë nuk u ndala të besoj në bukurin e ëndrrave të mia. E, bukuria e asaj ëndrre ishte kjo mbrëmje ku ne gjendemi sot. Ishin këto 25 vite eksperiencë e mahnitshme e Mabetex-it dhe gjithë njerëzve të Mabetex-it. Kam qenë gjithmonë i sigurt që shumë lojëra do të luhen për mua, por asnjëherë nuk kam lejuar që unë të luaj me veten time. Dhe kjo sigurisht ishte një pjesë e realitetit dhe suksesit tim”, tha Pacolli.

Kompania Mabetex Grup, është njëra nga kompanitë më të mëdha në botë, e cila është pronë e Bexhet Pacollit, që ka mijëra punëtorë anekënd botës./Telegrafi/