Kryetari i Lidhjes Demokratike  të Kosovës, Isa Mustafa, ka thënë se sa i përket LDK-së, Vjosa Osmani mund ta mbajë pozitën e kryetares së Kuvendit të Kosovës pas formimit të Qeverisë së re.

Në këtë mbledhje të Kryesisë së LDK-së, Vjosa Osmani nuk ishte e pranishme, ndërsa lidhur me këtë Mustafa tha se janë thirrur të gjithë anëtarët e Kryesisë, ndërsa nuk kanë marrë pjesë dy-tre anëtarë.

Gjatë konfrencës për medie, Mustafa u pyet nëse Vjosa Osmani do të mbetet kryetare e Kuvendit të Kosovës, edhe pas formimit të Qeverisë së re që pritet të udhëhiqet nga Avdullah Hoti.

“Sa na përket neve, ne dëshirojmë të mbetet. Duhet me pa se a do të hapet ajo pjesë sepse sipas interpretimit të Gjykatës Kushtetuese ajo pozitë i takon partisë fituese”, tha Mustafa.

LDK merr vendim, Avdullah Hoti kandidat për kryeministër LDK merr vendim, Avdullah Hoti kandidat për kryeministër

Kryesia e LDK-së, në mbledhjen e mbajtur sot ka marrë vendim që Avdullah Hoti të jetë kandidat i kësaj partie për kryeministër. Kjo është konfirmuar nga kryetari i LDK-së, Isa Mustafa në një konferencë për medie pas përfundimit të mbledhjes. /Telegrafi/