Operacionet për shpëtimin e të mbijetuarve në Turqi po ndërpriten, vazhdojnë kërkimet vetëm në dy provinca

Numri i të vdekurve nga tërmetet shkatërruese në Turqi është rritur në mbi 41 mijë, ka njoftuar agjencia për menaxhimin e katastrofave dhe situatave emergjente (AFAD), derisa operacionet e kërkim-shpëtimit kanë filluar të ndërpriten dhe se ato do të vazhdojnë vetëm në dy provinca.

Kërkimi i të mbijetuarve në nëntë provincat e goditura nga tërmetet do të përfundojë sot, ka njoftuar drejtori i AFAD-it, Yunus Sezer, transmeton Telegrafi.

“Ata do të vazhdojnë në provinca Kahramanamaras dhe Hatay, në mbi 40 ndërtesa”, shtoi Sezer para gazetarëve.

Lexo po ashtu Ekipet e kërkim-shpëtimit turk: ​​Nuk mendojmë më se ka njerëz që mund të shpëtojmë

Mbi 1.2 milion njerëz janë evakuuar nga juglindja e Turqisë, të goditur nga katastrofa më vdekjeprurëse në historinë e re të këtij vendi.

Mbi një milion njerëz gjenden nëpër strehimore në këto provinca, kështu të paktën pretendon Sezer nga AFAD-it.

Kujtojmë që në tërmetet me fuqi shkatërruese prej 7.8 dhe 7.6 magnitudë që goditën jugun e Turqisë dhe Sirinë, kanë humbur jetën dhjetëra mijëra njerëz.

Më konkretisht në Turqi kanë humbur jetën 40.689, kurse mbi 105 mijë objektet janë shkatërruar apo dëmtuar pjesërisht. /Telegrafi/