Onati thotë se s’ka probleme, Skivi publikon logon e Babastars – vijnë reagimet e para pas spekulimeve për përçarje në Babastars (Foto)

Tash e një kohë vazhdimisht qarkullojnë thashetheme mbi mungesë të unitetit në labelin ‘Babastars’.

Zhvendosja e Getit në Tiranë, koncertet e përbashkëta kryesisht vetëm me Majk, duetet poashtu në këtë formë, zvarritja e publikimit të bashkëpunimeve me emra tjerë ishin vetëm disa prej indikatorëve që shtynë mediat drejt raportimeve.

Por, gjërat ndryshuan me një postim të biznesmenit Albert Krasniqi që publikoi bisedat me Getoar Selimin, të cilin e akuzonte për monopol dhe anashkalim të anëtarëve të tjerë të grupit.

“Unë kom me kon qaj që kom me rrxu gradualisht monopolin”, i thoshte Alberti, Getit për të ashtuquajturin ‘monopol të përfitimeve me data të koncerteve’.

Fotot e Albertit me Cozman, Skivin e Marshal Jungle të publikuara dje duke i konsideruar familje, vetëm se vulosën faktin që Babastars kanë përplasje.

Por, kriza duket se është tejkaluar dhe anëtarët e Babastars e kanë tejkaluar problemin.

Përpos fshirjes së fotos nga ana e Albertit, edhe disa indikacione nga reperët kanë bërë që të përjashtohet mundësia e përçarjes.

Në orën 2 pas mesnatës, Skivi e ka postuar logon e Babastars si një shenjë e besnikërisë ndaj “labelit” të madh të hip hopit shqiptar.

Për Prive ka folur edhe Onati, i cili në tekstin e dërguar nga Alberti tek Geti ishte i përmendur si anëtar ‘i harruar’.

“Edhe unë e kam parë atë shkrim baraz me publikun. Çka mund të them për ëktë temë është që unë kam qenë i lumtur dhe jam i lumtur me ekipin tim dhe i du krejt njerëzit që janë të përfshirë aty, nuk kam raport të keq me askënd”.

“Më vjen keq për atë që ka ndodhur, por unë s’jam i përfshirë në atë ndodhi aspak. Jam shumë i fokusuar në punë të mia, projektet e mia të radhës”, potencoi Onati.

Duket se përçarja e mundshme e Babastars është evituar, me akterët që kanë zgjidhur si duket dilemat për ndarje të përfitimeve nga koncertet dhe volumit të punës njëtrajtësisht për të gjithë antarët. /Prive/Telegrafi/