Oda e Afarizmit të Kosovës (OAK) realizoi takim të përbashkët me përfaqësues të bizneseve të nga regjione të ndryshme të vendit, ku qëllimi i këtij takimi ishte diskutimi mbi propozimin e Ministrisë së Bujqësisë, Pylltarisë dhe Zhvillimit Rural për ndryshimin e një pike dhe kërkesë për ndryshimin e disa udhëzimeve administrative.

Pjesëmarrësit në këtë takim u pajtuan që të kërkojnë nga MBPZHR që të merren parasysh kërkesat e bizneseve të bëra tani e disa vite.

“Bizneset unanimisht përkrahën iniciativën e ministrit në detyrë të MBPZHR-së, Besian Mustafa për fillim të ndryshimit të udhëzimeve administrative, mirëpo kërkuan që të iniciohet edhe ndryshimi i pikave të tjera të kërkesave të adresuara dhe këto ndryshime të bëhen në një afat sa më të shkurtë kohorë, pasi që krijimi i këtyre lehtësirave do të zhbllokoj një sektor me potencial dhe që ka një numër të madh të të punësuarve”, thuhet në njoftimin e OEAK-ut.

Në fund, OAK thotë se kërkon nga ministri Mustafa dhe Qeveria e Kosovës që ta merr me urgjencë zgjidhjen e këtyre probleme, ku sipas tyre, në të kundërt bizneset do t’i përdorin të gjitha alternativat e mundshme, përfshirë edhe protestat në rrugë dhe ndaljen e punës për kohë të pacaktuar. /Telegrafi/