OBRM-PDUKM: MPB e dezinformon opinionin me aksionin e sajuar kundër terroristëve

Nëpërmjet një kumtese ka reaguar partia opozitare OBRM-PDUKM-ja duke thënë se Oliver Spasovski dhe LSDM-ja janë turpi i Maqedonisë.

“Gënjeshtrat dhe manipulimet e tyre filluan ta prishin imazhin e shtetit edhe në nivel ndërkombëtar, duke sjell dëm të pakthyshëm te partnerët nga koalicioni global kundër për luftimin kundër terrorizmit. Për t’i fshehur skandalet, keqpërdorimet dhe kriminelët ku janë kapur miqtë e Zaevit, mbrëmë përsëri është keqpërdorur Ministria e Punëve të Brendshme që ta dezinformojë publikun me aksion të sajuar kundër terroristëve dhe radikalëve që kanë marr pjesë në luftërat në Siri”, thuhet në kumtesën e OBRM-PDUKM-së duke shtuar se MPB-ja ka gënjyer dhe se aksion të madh policor nuk ka pasur, përcjell Telegrafi Maqedoni.

Ata shtojnë se Oliver Spasovski gjithë ditën fshihej sepse nuk ka pasur informacione të plota kur dhe ku janë arrestuar radikalët e rrezikshëm.

Lexo po ashtu Luftëtarët e arrestuar të ISIS-it, MBP i arrestuar në aeroportin e Shkupit

“Të vërtetën e zbuluan sot partnerët tanë nga Pentagoni që thanë se Forcat Demokratike Siriane deri në korrik kanë arrestuar 600 luftëtarë të paguar nga më shumë se 40 shtete. Siç zbulojnë mediat ndërkombëtare, policia e Maqedonisë mbrëmë nuk ka pasur asnjë aksion, por vetëm është kryer repartimi, gjegjësisht marrja e shtetasve të Maqedonisë të arestuar nga Aeroporti i Shkupit”, thonë nga partia opozitare OBRM-PDUKM.

“OBRM-PDUKM-ja përshëndet bashkëpunimin me ShBA-të dhe partnerët tjerë të koalicionit global kundër terrorizmit, por është kundër manipulimeve nga e LSDM-së dje keqpërdorimin e institucioneve që e shohim për momentin”, thuhet në fund të kumtesës së OBRM-PDUKM-së duke shtuar se me sjelljen e Oliver Spasovskit dhe MPB-së vetëm se prishet imazhi i shtetit në nivel ndërkombëtar, dhe se kjo sjellje duhet ndaluar./Telegrafi/