Nxënësit e shkollave fillore të Gostivarit i theksojnë dallimet si përparësi

Me tryezën e parë të rrumbullakët në shkollën “Goce Dellçev”, SPB Tetovë dhe vetëqeverisja lokale e filluan projektin parandalues-edukativ “Respekto dallimin”.

Në suaza të projektit janë paraparë gjithsej gjashtë tryeza të rrumbullakëta, nga tre në Tetovë dhe Gostivar, me nxënës prej po aq shkollave fillore të dy qyteteve.

“Në këto tryeza të rrumbullakëta në mënyrë interaktive do të prezantohet dhe debatohet për dallimet, paragjykimet dhe setereoptipet, të cilat dalin, ndërsa do të bisedohet edhe për të ashtuquajturat karakteristikat mbrojtëse të individëve dhe grupeve”, thotë zëdhënësi i SPB Tetovë, Marjan Josifovski.

Prezantimet i përgatisin dhe realizojnë nxënësit, me ndihmë dhe mbështetje të nëpunësi të trajnuar profesional, të cilët gjithashtu flasin për temën dhe shfaqin përvojat nga angazhimi i tyre i përditshëm profesional.

Bartës të projektit janë Sektori për Parandalim dhe OSBE në bashkëpunim me vetëqeverisjen lokale të Gostivarit, ndërsa planifikohet të realizohet edhe këtë muaj edhe muajin e ardhshëm./Telegrafi/