Një mësues në Spanjë është bërë sensacion në internet, pasi u filmuar duke ia thyer laptopin një nxënësi i cili nuk po e dëgjonte derisa po ligjëronte.
Mësuesi i paidentifikuar që nga ky veprim është bërë hit në internet, ku në videon e publikuar dëgjohet duke folur në gjuhën spanjolle, transmeton Telegrafi.
Videoja raportohet se është filmuar nga një nxënës tjetër, i cili ka dashur të dokumentoj se si mësuesi kishte humbur durimin, dhe kështu ia kishte përplasur për tokë laptopin një nxënësi duke ia bërë copa.
“Po të kërkoj të mundohesh pak më shumë, kjo është e gjitha kërkoj nga ti. Tash e 20 minuta po i shpjegoj gjërat e njëjta, kurse ti vazhdimisht bisedon me shokë”, dëgjohet mësuesi duke i thënë nxënësit të cilit ai thyen laptopin. /Telegrafi/
