LAJMI I FUNDIT:

Nuk preferohet konsumimi i birrës nëse i keni këto shqetësime shëndetësore

Nuk preferohet konsumimi i birrës nëse i keni këto shqetësime shëndetësore
(Foto: Proactive Health Labs)

Pavarësisht nëse jeni duke shkuar në një kafene ose thjesht dëshironi të hapni një shishe në një ditë “të nxehtë”, birra është pjesë e rutinës së përditshme të shumë njerëzve.

Megjithatë, birra nuk është për të gjithë – dhe nuk janë vetëm ata që nuk e pëlqejnë shijen që duhet të heqin dorë nga pija, shkruan Eat This, Not That.

Më poshtë po ju paraqesim gjashtë lloje personash që sipas mjekëve nuk duhet të pinë kurrë birrë.

Njerëzit me një histori të diabetit ose prediabetit

“Birra mund të shkaktojë shpejt rritje të sheqerit në gjak të pacientit, ose në gjendje agjërimi, mund të shkaktojë një rritje të shpejtë të insulinës dhe mund të shkaktojë hipoglicemi, e cila është gjithashtu e rrezikshme”, thotë Jonathon Kung, një gastroenterolog pranë Mount Sinai.

Njerëzit që përpiqen të humbin peshë ose janë mbipeshë

Nëse po kërkoni të humbni disa kilogramë, mund të dëshironi të qëndroni larg kësaj pije alkoolike popullore.

“Birra është e ngarkuar me kalori, nga 100 deri në 200 kalori me pak vlera ushqyese”, thotë Kung.

Sipas hulumtimit të publikuar në Nutrients, sasitë ditore të birrës më të mëdha ose të barabarta me 500 mililitra – rrisin rrezikun e humbjes së peshës, veçanërisht te meshkujt.

Njerëzit që ndjekin një dietë pa gluten

Ata që ndjekin një dietë pa gluten duhet të shmangin pirjen e birrës pasi ajo mund të kontribuojë në problemet e tretjes në të ardhmen.

“Birra shpesh përmban gluten, i cili mund të shkaktojë një përgjigje në zorrët e shumë pacientëve që rezulton në simptoma gastrointestinale”, thotë Kung.

Ka birra pa gluten që mund të jenë më të mira për ata me ndjeshmëri.

Njerëzit me një histori të sindromës së zorrës së irrituar

Acarimi i stomakut nuk është kënaqësi për askënd, veçanërisht jo për ata me sindromën e zorrës së irrituar. “Birra shpesh shkakton fryrje, gazra, diarre dhe ndonjëherë dhimbje barku duke irrituar muret e zorrëve ose duke shkaktuar mbajtjen e lëngjeve te disa pacientë”, thotë Kung.

Njerëzit me një histori të sëmundjes kronike të mëlçisë ose cirrozës

Ndërsa pirja e birrës mund të tingëllojë si një ide e mirë pas një jave të gjatë, nëse keni sëmundje të mëlçisë ose cirrozë, do t’ju duhet të qëndroni larg.

“Birra është një alkool që, kur metabolizohet në një mëlçi tashmë të irrituar (shpesh në kushtet e cirrozës, hepatitit viral ose sëmundjes autoimune), mund të përshpejtojë më tej dëmtimin e parenkimës së mëlçisë dhe përfundimisht mund të rezultojë në një ulje të funksionit të mëlçisë,” thotë Kung.

Njerëzit me një histori të urthit

Edhe pse tashmë e dini se duhet të shmangni ushqimet që janë acide ose të pasura me yndyrë kur bëhet fjalë për parandalimin e urthit, kësaj liste duhet t’i shtohet edhe birra.

“Birra dihet se dobëson aftësinë e sfinkterit të poshtëm të ezofagut (i cili ndan stomakun nga ezofagu) për t’u mbyllur, duke rezultuar që më shumë acid të kthehet në ezofag duke rezultuar në simptoma të urthit”, shpjegon Kung. /KP/

Në trend Shëndetësi

Më shumë
Ngritja e bilirubinës në gjak: Çfarë do të thotë dhe si ndihmohet?

Ngritja e bilirubinës në gjak: Çfarë do të thotë dhe si ndihmohet?

Shëndetësi
Kalo në kategori