Manchester United ka vazhduar shkëlqimin nën udhëheqjen e trajnerit Ole Gunnar Solskjaer.
Djajtë e Kuq kanë marrë edhe një fitore të radhës në Ligën Premier, ku kanë triumfuar në fushën e Fulham me rezultat 0-3.
Vetëm pas 14 minutave lojë, United e gjeti golin e epërsisë kur shënoi Paul Pogba pas një asistimi të bukur nga Anthony Martial.
Nëntë minuta më vonë Djajtë e Kuq gjetën edhe njëherë golin, ku kësaj radhe realizoi Martial pas një aksioni të bukur individual.
Paul Pogba dhe Ander Herrera . (Foto: Catherine Ivill/Getty Images/Guliver)
Me epërsinë prej dy golave të United, përfunduan 45 minutat e para të kësaj sfide.
Fulham tentonte të bënte diçka më shumë, por nuk arriti të gjente golin.
E në minutën e 65-të të ndeshjes, Paul Pogba realizoi nga penalltia për 0-3.
Deri në fund të ndeshjes më nuk pati gola, pasi futbollistët mysafir administruan mirë ndeshjen dhe ruajtën epërsinë e lartë.
(Foto: Catherine Ivill/Getty Images/Guliver)
Fitorja ndaj Fulham e ngritë Manchester Unitedin në pozitën e katërt në tabelë me 51 pikë të tubuara.
Në anën tjetër Fulham mbetet në vendin e parafundit në tabelë me 17 pikë pas 26 ndeshjeve.
Ndeshjen e radhës United do ta zhvillojë në Old Traford ku do të jetë nikoqir i rivalit Liverpool. /Telegrafi/
https://twitter.com/degeaunited20/status/1094219709489197056
https://twitter.com/1Lexes/status/1094237114038996992
https://twitter.com/emilrashiman/status/1094232982334795776
