“Nuk ka ide të qarta”, legjenda e klubit flet për vështirësitë e Real Madridit

Ish-mesfushori i Real Madridit, Guti, ka komentuar humbjen e klubit nga Barcelona në finalen e Superkupës së Spanjës.

Humbja e thellë në finalen e Superkupës së Spanjës ka lënë shije të hidhur te Real Madridit, teksa ish-ylli i tyre, Guti, e ka kritikuar ekipin për mungesë të ideve dhe taktikave në ndeshje të mëdha.

“Ndeshja e parë, ku humbën 4-0, ishte një paralajmërim. Nuk mund të luash kështu nëse dëshiron të fitosh tituj. Nuk është vetëm Barcelona që ata kanë luftuar për të mundur”, ka thënë fillimisht Guti.

Lexo po ashtu Drejtuesit e Real Madridit etiketojnë problemin, fajësohen tre lojtarë për zhgënjimet

“Real Madridi nuk ka ide të qarta. Atyre u mungojnë taktikat, nuk dinë të sulmojnë siç duhet dhe as nuk mbrojnë mirë”.

“Kur ke dyshime kaq të mëdha, mund të dominosh topin ndaj skuadrave më të vogla pa probleme, por fitorja kundër klubeve të mëdha është ajo që sjell tituj. Ju duhet të dini se si t’i luani ato ndeshje”.

“Dhe nëse nuk e bëni, bëhet shumë e vështirë të fitosh. Ata duhet të punojnë më shumë dhe më mirë”, përfundoi legjenda e Los Blancos. /Telegrafi/