Avokati serb Çedomir Stojkoviq është shprehur se Serbia duhet të njohë të drejtat e çdo personi dhe mendimet e tyre ndryshe.
Këto komente Stojkoviq bëri lidhur me ngjarjen e rëndë të ndodhur në Serbi, ku politikani opozitar serb Nikola Sanduloviq u rrah brutalisht dhe uburgos vetëm pse bëri homazhe dhe vendosi lule mbi varrin e një fëmije të familjes Jashari në Prekaz.
Stojkoviq tha se është e drejta e çdokujt të nderojë të vdekurit dhe shtoi se atij nuk i intereson nëse të tjerët e konsiderojnë familjen e Adem Jasharit terroriste.
“Pyetja është më se e qartë. Ju mbani mend se unë ju thashë në fillim që duhet ta mbajmë këtë çështje të thjeshtë. Unë kam të drejtë të vendos lule mbi varrin e Adolf Hitlerit, Bin Ladenit, ose mbi varrin e një fëmije 7 vjeçar shqiptar. Kjo është e drejta ime. Mua nuk më intereson nëse ju e konsideroni familjen Jashari si një grup terrorist apo jo, nuk më intereson fare”, tha Stojkoviq, për Euronews Albania.
Ai shtoi se me rrahjen barbare dhe arrestimin e Sanduloviqit, çdo serb duhet të ndihet i turpëruar, pasi një veprim i tillë e nxjerr Serbinë nga lista e kombeve të civilizuara.
“Nikola Sanduloviq është në burg sepse ai shkoi te monumenti i Jasharit dhe vendosi lule në varrin e askujt tjetër, por në varrin e një vajze 7-vjeçe. Ajo u vra nga forcat e sigurisë së Serbisë dhe për këtë arsye prokuroria në Serbi vendosi të ngrejë akuza ndaj tij duke thënë se ai ka kryer një krim dhe ka nxitur fjalime urrejtjeje kundër kombit serb. Kjo është diçka e tmerrshme. Kjo është dita kur çdo serb duhet të ndihet i turpëruar. Kjo është diçka e cila të nxjerr jashtë vendeve të kombeve civile. Ti nuk je më komb i civilizuar nëse dënon një person vetëm se ai ka vendosur lule në varrin e një fëmije 7-vjeçar. Kjo është e papranueshme. Sanduloviq është në burg vetëm se vendosi lule në varrin e një fëmije 7-vjeçar”.
“Shumë në Serbi duan ta portretizojnë sikur ai është një terrorist vetëm se ai vendosi lule në varrin e personave që i quan terroristë”, tha avokati.
Politikani opozitar serb, Nikola Sanduloviq, një kritik i deklaruar i Presidentit Vuçiq, është rrahur barbarisht në Serbi, një ditë pasi publikoi një video të homazheve të bëra mbi varrin e Adem Jasharit në Prekez.
Lufta Prigozhin - Putin
Më shumëAksident i rëndë në Suharekë, dy të vdekur
Regjistrimi i diasporës: Çfarë përfiton Kosova?
Një muaj paraburgim ndaj boshnjakut që dyshohet për krime lufte kundër shqiptarëve në Gjakovë
LDK u vendos “vija të kuqe” të gjitha partive politike për koalicione parazgjedhore
Dobësimi i Euros në Shqipëri shtrenjton paketat turistike
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur