I nokautuar ashpër nga bashkëshorti i saj, Paris Fury e këshillon Wilderin që të pensionohet nga boksi

Paris Fury është tallur me Deontay Wilder pas humbjes së tij në Las Vegas, duke inkurajuar amerikanin të pensionohet nga boksi.

Gruaja e Tyson Furyt ishte e kënaqur të shihte Gypsy King të mbronte titullin e tij në peshën e rëndë në WBC pasi ai rrëzoi Bronze Bomberin në raundin e 11-të të trilogjisë.

Pavarësisht përballimit të nokautit të dyfishtë nga britaniku, Paris kishte disa fjalë të ashpra për amerikanin, duke e quajtur atë “jo edhe aq të ashpër”.

Lexo po ashtu Kishte dyshime para se të fillonte meçi – Wilder kërkoi që dorëzat e Furyt të shqyheshin

Nëna e gjashtë fëmijëve foli për iFL TV për performancën e shkëlqyer të bashkëshortit të saj pasi ai mundi Wilderin për herë të dytë.

“Është e qartë se ai (Wilder) është një njeri i ashpër, por ai nuk është aq i fortë sa duhet”, deklaroi ajo.

Lexo po ashtu 'Është për t'u studiuar' - si arriti të ngritet Fury pasi u nokautua dy herë nga Wilder

“Tre herë [me radhë] tani. Ndoshta ai do të heshtë tani, të shkojë në shtëpi dhe të shkojë në shtrat. Unë do të jem e sjellshme, por ne nuk duam të dëgjojmë përsëri emrin e atij njeriu”.

Duke qeshur para kamerës, 31-vjeçarja shtoi: “Lëreni të shkojë dhe të bëjë diçka tjetër, të bëjë diçka tjetër në të cilën ai është i mirë. Ai nuk është i mirë në boks”.

Lexo po ashtu Luftoi 11 raunde, u rrëzua dy herë dhe e rrëzoi dy herë Wilderin – Tyson Fury pati energji që të dilte dhe të vallëzonte pas meçit

Lufta e bujshme bëri që të dy boksierët të binin në dysheme, me Wilder në raundin e tretë dhe të 10 -të dhe Fury dy herë në të katërtin për herë të parë në karrierën e tij. /Telegrafi/