Çdo kohë ne mund të njohim histori të ndryshme të burrave dhe grave me uniformë. Bëhet fjalë sidomos për ata që na mbajnë të sigurt, qoftë në shtëpi apo jashtë saj.

Dhe një rast i tillë është ai i një burri që ka mbajtur Arkansasin qendror të sigurt për më shumë se 60 vjet, përcjell Telegrafi.

Sipas mediave të huaja, kur ai filloi për herë të parë në 1958, ai kishte punuar pa para.

“Unë punova falas”, tha L.C. Smith, miqtë e të cilit e quajnë “Buckshot”.

I pyetur se pse e kishte bërë një gjë të tillë, ai ishte përgjigjur: “Thjesht më pëlqente puna ime”.

Si një 91 vjeçar, ai besohet të jetë oficeri më i moshuar në shtetin e Arkansas.

Kështu që, për 22,000 ditët e fundit, ai ka mbrojtur Arkansans.

Pas gati pesë dekadash në Qarkun Ouchita, ai u përpoq të dilte në pension. Por Departamenti i Policisë Camden “nuk dëshironte diçka të tillë”.

Ai shumicën e ditëve të tij i kalon duke shërbyer si këshilltar i oficerëve më të rinj.

Mësimi i tij për ta është që “të jenë të sjellshëm, të trajtojnë të gjithë si duhet”.

Ai vazhdoi, “nuk mund t’i trajtoni njësoj, por mund t’i trajtoni drejt”. /Telegrafi/