Ndërsa lufta po zhvillohet jo shumë larg tij në Kharkiv, Serhii po zhvillon një betejë nga shtëpia e tij, i rrethuar nga një komoditet i plotë.
Në dhomën e tij në Sumy, vetëm 20 kilometra nga Rusia në veri-lindje të Ukrainës, 33-vjeçari ka gjithçka që nevojitet për të bërë një koktej molotovi.
Por, për momentin, ai nuk po bën një luftë të tillë kundër Moskës.
Në vend të kësaj, ai po merr pjesë në sulmet dixhitale të qeverisë ukrainase ndaj Rusisë, që synojnë mbylljen e faqeve të internetit të qeverisë ruse dhe ndërprerjen e aftësisë së Moskës për të shkëmbyer informacione.
Kur shpërtheu agresioni rus mbi Ukrainë, Kievi hapi një kanal në Telegram të quajtur “Ushtria IT e Ukrainës”, e cila ndan informacione se si dhe çfarë infrastrukture dixhitale ruse të sulmojë.
Dhe Serhii, një zhvillues softuerësh, vendosi të përdorë aftësitë e tij, shkruan Euronews, përcjell Telegrafi.
Ushtria ruse e rrethoi Sumy-n për disa ditë dhe Serhii tha se mund të dëgjonte bombardimet nga dritaret e tij.
Para agresionit, ai kishte një pikëpamje më neutrale për Rusinë dhe madje fliste rusisht si gjuhën e tij të parë.
“Por pas asaj që ka ndodhur, unë kam kaluar në ukrainisht”, ka rrëfyer ai. “Duket se askush në Rusi nuk e kupton zemërimin tonë pas asaj që ndodhi në Mariupol dhe Bucha”.
“Ushtria e IT-së është më shumë se e fortë”
Slava Banik është në krye të “Ushtrisë së hakerëve të Ukrainës” në Ministrinë e Transformimit Dixhital të Ukrainës.
Ai thotë se nisma është një nga mënyrat e shumta që qeveria po lufton kundër Rusisë.
Dhe ai pretendon se më shumë se 300,000 njerëz – jo vetëm ukrainas – po marrin pjesë në këtë ushtri, duke u përpjekur të pengojnë përpjekjet ruse.
Sipas tij, një mënyrë është mbingarkimi i faqeve ruse të internetit me trafik të padëshiruar, duke i nxjerrë ato jashtë linje.
Është një taktikë e thjeshtë që qytetarët e zakonshëm mund ta përdorin, dhe ajo synon bankat ruse, faqet e internetit qeveritare, mediat, madje edhe dyqanet dhe shërbimet e transmetimit.
“Kjo lëvizje vullnetare, apo ushtria, po sulmojnë portalet qeveritare, faqet e internetit dhe infrastrukturën, infrastrukturën hekurudhore e kështu me radhë”, ka treguar Banik.
“Dhe sigurisht, sektori bankar dhe sektorët e tjerë përdoren nga shumë njerëz rusë”.
“Më shumë se 70% e rusëve e mbështesin këtë pushtim dhe ata, natyrisht, duhet të ndjejnë gjithashtu rezultatet e pushtimit të tyre në Ukrainë dhe (të paguajnë) për mbështetjen e tyre për këtë luftë”.
Qëllimi është të zemërojë popullsinë ruse dhe ta kthejë atë kundër Vladimir Putinit.
Në këtë drejtim, “Ushtria e hakerëve të Ukrainës” ka pretenduar se ka bllokuar me sukses faqet e internetit dhe shërbimet bankare ruse.
Banik tha se kjo është një mënyrë që qeveria të ndryshojë pozicionin historikisht mbrojtës kundër sulmeve dixhitale ruse në Ukrainë.
Në disa raste para agresionit, Ukraina është shënjestruar nga hakerët rusë, me infrastrukturën e saj të prekur në mënyrë kritike, si në vitin 2017 kur u goditën disa organe qeveritare të Ukrainës.
“Para luftës, ne kurrë nuk u përpoqëm të sulmonim Rusinë, por përkundrazi punuam për sigurinë tonë”, kujton Banik. “Por pasi filloi lufta, ne e kuptuam se duhet të përgjigjemi”.
Por “Ushtria IT e Ukrainës” nuk është iniciativa e vetme.
Ministria e Transformimit Dixhital ka vendosur gjithashtu një veçori në aplikacionin e saj qeveritar Diia të quajtur єВорог (e-armik), ku njerëzit mund të raportojnë dhe ndajnë foto dhe video të pozicioneve të ushtrisë ruse.
Banik thotë se qeveria ka marrë më shumë se 300,000 raportime nga civilët.
“Ne shohim një rritje të sulmeve”
Dr. Matthias Schulze është një ekspert i sigurisë kibernetike dhe zëvendësdrejtor i divizionit të kërkimit në Institutin Gjerman për Çështjet Ndërkombëtare dhe të Sigurisë.
Ai ka analizuar luftën kibernetike midis Rusisë dhe Perëndimit prej vitesh dhe thotë se ka parë një rritje të aksioneve që nga fillimi i agresionit rus në shkurt. Dhe jo vetëm midis Ukrainës dhe Rusisë.
“Ne shohim një rritje të sulmeve të hakktivistëve (grup hakerësh) ndaj shërbimeve ruse si shërbimi sekret FSB, bankat, faqet e internetit të mediave dhe kompanitë si Gazprom”, bën të ditur Schulze, duke theksuar se rusët po bëjnë të njëjtën gjë në Ukrainë dhe në Perëndim.
Ai thotë se janë tre kategori kryesore të sulmeve.
Sulme të buta, ku hakerët bllokojnë përkohësisht faqet e internetit të mediave, qeverive dhe kompanive duke goditur serverët e tyre.
Sulme më të rënda, ku hakerët përpiqen të vjedhin të dhëna të ndjeshme për t’i nxjerrë ato në publik.
Pastaj janë sulmet më të dëmshme, ku hakerët përpiqen të instalojnë ransomware në infrastrukturat kritike si hekurudhat dhe prodhuesit e energjisë për t’i “mbyllur” ato.
Schulze tha se dy të parat janë parë pas agresionit rus të Ukrainës, por se është e vështirë të thuhet se kush qëndron konkretisht pas tyre.
“Ne kemi parë shumë sulme kibernetike, por intensiteti apo cilësia nuk kanë qenë aq të tmerrshme”, tregon Schulze.
“Ne e dimë se Rusia, për shembull, mund të bëjë më shumë dëme, por ata nuk kanë pasur sukses deri më tani”. /Telegrafi/
Lufta Prigozhin - Putin
Më shumëNga Rubrika
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja
Putin me deklaratë qesharake: Jemi sulmuar, prandaj po luftojmë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles
Ukrainasit rrëzojnë aeroplanin ushtarak rus që kushton gati 80 milionë euro
Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë
I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit
Mercenarët rus të Wagner po vrasin civilët në Mali
Pamje të tmerrshme: Të dyshuarit për sulmin në Moskë i pritet veshi dhe i futet në gojë – supozohet se kush mund ta ketë bërë këtë
Scholz: Paqja në Ukrainë është e mundur në çdo moment, vetëm Putin le t’i tërheq trupat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes