Gonzalo Garcia po jeton ëndrrën e tij te Real Madrid, me katër gola në Kupën e Botës për Klube që kanë nxitur krahasime me legjendën e klubit, Raul.
21-vjeçari thotë se është i nderuar nga lavdërimet dhe është i vendosur të vazhdojë të shënojë ndërsa “Los Blancos” synojnë trofe nën drejtimin e Xabi Alonsos në Shtetet e Bashkuara.
Garcia ka shkëlqyer në Kupën e Botës për Klube me katër gola në pesë paraqitje për Real Madridin, përfshirë një gol kyç ndaj Borussia Dortmund në çerekfinale.
Sulmuesi 21-vjeçar ndihmoi “Los Blancos” të sigurojnë një përballje gjysmëfinale me Paris Saint-Germain në New Jersey të mërkurën.
Garcia është krahasuar me sulmuesin legjendar Raul, i cili dikur mbante rekordin si golashënuesi më i mirë i Real Madridit, dhe i riu ka zbuluar se ndjen krenari për këtë krahasim nga tifozët.
"Po më krahasojnë me Raulin, një legjendë. Nëse arrij të bëj gjysmën e asaj që ai ka bërë me këtë fanellë, atëherë do të jetë më shumë se një ëndërr”.
"Kam punuar dhe kam pritur një mundësi, por as në ëndrrat e mia nuk do ta kisha menduar këtë. Nuk ndiej shumë presion. Kam punuar dhe kam pritur këtë moment”.
"Trajneri, lojtarët, stafi, të gjithë më japin shumë besim. Kylian (Mbappe) është... pothuajse... le të themi lojtari më i mirë në botë”.
"Jam me shumë fat që ndaj fushën dhe stërvitem me të, mësoj prej tij”, ka thënë talenti spanjoll./Telegrafi/
