LAJMI I FUNDIT:

Një trajnere fitnesi tregon pse gratë e kanë të vështirë ta heqin barkun pas lindjes së fëmijës

Një trajnere fitnesi tregon pse gratë e kanë të vështirë ta heqin barkun pas lindjes së fëmijës
(Foto: Instagram/tiffhall_xo)

Trajnerja e fitnesit, Tiffiny Hall, ka shpjeguar pse gratë, pavarësisht stërvitjes, e kanë të vështirë të heqin qafe stomakun pas lindjes së fëmijës.

Ajo beson se shumë nëna bëjnë gabim duke u përpjekur të rikthehen në formë pas lindjes së një fëmije, sepse edhe ajo vet ka kaluar të njëjtën gjë.

Tiffiny solli në jetë fëmijën e saj të dytë në fillim të vitit dhe pranon se rikthimi në formë ishte më i vështirë sesa kur e solli në jetë djalin e saj katër vite më parë.

Gjatë procesit të “heqjes së barkut”, ajo vendosi të vizitojë një fizioterapist, këtë herë pasi nuk mund të hiqte qafe barkun e saj. Trajnerja mësoi nga fizioterapisti se po fokusohej në zonën e gabuar gjatë ushtrimeve.

View this post on Instagram

A post shared by Tiffiny Hall (@tiffhall_xo)

Në videon që ka shpërndarë në Instagram, ajo ka treguar se çfarë po bënte gabim në të vërtetë gjatë stërvitjes.

“Po punoja shumë, por në pjesët e gabuara të trupit. Nuk e kisha idenë. Po përpiqesha të forcoja pjesën e sipërme të barkut, por nuk po i kushtoja të njëjtën vëmendje pjesës së poshtme. Pra, barku i poshtëm nuk ishte përfshirë fare”, ka thënë ajo.

Hall ka shtuar se shumë femra si ajo fokusohen në shtrëngimin e stomakut, por problem është pjesa e poshtme, e cila zakonisht nuk ndikohet nga ushtrimet që kryejnë. /Telegrafi/

View this post on Instagram

A post shared by Tiffiny Hall (@tiffhall_xo)