Një tjetër Nissan Skyline GT-R V-Spec i rrallë po kërkon një pronar të ri

Vetëm disa javë më parë, një Nissan Skyline GT-R V-Spec i rrallë i vitit 1999 në vjollcën Midnight Purple II u shit për 315,187 dollarë dhe tani një kopje tjetër identike ofrohet për shitje.

Vetura e shitur në qershor përshkoi rreth 64,000 km, dhe kopja në foto ka të kaluara vetëm 25,000 km, gjë që e bën atë më të dëshirueshme dhe më të vlefshme.

GT-R u importua nga Japonia në Kanada në vitin 2015, dhe babai i shitësit aktual e bleu atë në janar të vitit 2020.

Tani është përsëri në shitje dhe shoqërohet me dokumentacion shtesë.

Nissan ka prodhuar vetëm 4,194 njësi të R34 Skyline GT-R që i janë nënshtruar trajtimit V-Spec dhe vetëm 282 njësi janë pikturuar në Midnight Purple II.

Ky model përmban rrota origjinale 18 inç dhe goma sportive Toyo Proxes T1R 2011.

Brenda, kishte disa modifikime, duke përfshirë sistemin e zërit Kenwood M707 dhe ekranin me prekje pop-out Kenwood VZ907.

Vetura është në gjendje fantastike, si pjesa e jashtme ashtu edhe e brendshme.

Vetura është mundësuar nga një motor 2.6-litër twin-turbo RB26 me 6 cilindra që zhvillon 276 kuaj fuqi dhe 353 Nm çift rrotullues.

Fuqia e vërtetë e këtij motori është padyshim më e lartë se sa deklaron fabrika. /Telegrafi/