Një nga shtatë mrekullitë e botës, u shkatërrua nga një tërmet dhe nuk u rindërtua për shkak të profecisë

Kolosi i Rodosit ishte një nga shtatë mrekullitë e botës! Edhe pse u shkatërrua para epokës së re, historia për të vazhdon edhe sot

Kolosi i Rodosit ishte ndërtuar në vitin 280 para erës sonë, si simbol i fitores së Rodosit ndaj sundimtarit të Qipros, Antigonit të Parë.

Pothuajse nuk ka asnjë turist që kur e gjen veten në portin e Mitrakit, i njohur për varkat e tij njëditore, të mos e imagjinojë se si dukej limani kur qëndronte aty statuja kolosale, transmeton Telegrafi.

Një mrekulli nga shekulli III para Krishtit, Kolosi i Rodosit, pra statuja gjigante e Perëndisë së Diellit Helios, ishte rreth 33 metra e lartë. Një statujë bronzi qëndronte mbi një bazë mermeri. Nëpër këmbët e shtrira të statujës, anijet hynin dhe dilnin nga limani. Ai mbajti një pishtar në dorën e tij të ngritur dhe kështu statuja shërbeu si një fener.

Përse u ngrit Kolosi?

Në të kaluarën, në pjesën më të madhe të të ashtuquajturave qytete-shtete – poliset. Kishte tri shtete të tilla në Rodos: Lalisos, Kamiros dhe Lindos. Këto tri shtete e kuptuan se do të forcoheshin edhe ekonomikisht edhe ushtarakisht nëse bashkoheshin. Kështu bënë në vitin 408 para Krishtit. Shumë shpejt polisi i bashkuar formoi një aleancë të fortë me Ptolemeun I, i cili më pas sundoi Egjiptin e lashtë.

Një shekull pas bashkimit të tre poleve, Antagonidët e dinastisë maqedonase sulmuan Rodosin për të prishur aleancën e tyre me Egjiptin, i cili ishte armiku i tyre kryesor. Megjithatë, ata nuk arritën të hyjnë në qytet dhe të shkaktojnë më shumë dëme në Rodosin e bashkuar. Ata u detyruan të tërhiqen, duke lënë pas sasi të mëdha të pajisjeve të luftës.

Banorët e Rodosit ranë dakord të shisnin të gjitha pajisjet luftarake. Ata i përdorën paratë që morën për të falënderuar perëndinë e diellit Helios dhe i ngritën një statujë për të përjetësuar unitetin e tyre. /Telegrafi/