Një lugë gjelle në ditë e kësaj erëze mund t’ju ndihmojë të humbni kilogramët e tepërt dhe të ulni kolesterolin

Kohë më parë një hulumtim ka konstatuar raportin pozitiv midis konsumimit të kësaj erëze dhe humbjes së dhjamit

Hulumtimi i bërë në Iran ka treguar që konsumimi i vetëm një luge qimnon mund të ndihmojë në humbjen e tepricës së peshës trupore, por edhe në rregullimin e nivelit të kolesterolit në gjak.

Në këtë eksperiment kanë marrë pjesë 88 gra, të ndara në dy grupe. Disa nga pjesëmarrëset në këtë eksperiment kanë pasur peshë normale trupore, ndërsa të tjerat kanë pasur tepricë, transmeton Telegrafi.

Të dy grupet e grave kanë marrë 500 kalori më pak në ditë. Megjithatë, vetëm një grup grash morën një lugë pluhur qimnoni të përzier me jogurt.

Pas tre muajsh, grupi i grave që konsumuan qimnon humbën mesatarisht 3 kilogramë më shumë se grupi që nuk e konsumoi këtë erëz. Përveç kësaj, përqindja e yndyrës në trup u ul me 14,46%, ndërsa gratë që nuk hanin qimnon humbën 4,91%. Gjithashtu, u vërejt edhe një ulje e kolesterolit të keq.

Qimnoni është i pasur me fitosterole dhe komponime të tjera që mund të thithin në mënyrë efektive kolesterolin. /Telegrafi/