Ka zgjedhje që në fakt nuk do t’i fitosh. Pas një viti udhëtimesh intensive për reportazhe në mbarë Shtetet e Bashkuara të Amerikës, parashikimi im për zgjedhjet presidenciale para dy vitesh ndryshonte fort me mendimin mbizotërues. Për mua ishte e qartë atëherë, që Donald Trump kishte shanse shumë të mira për të hyrë në Shtëpinë e Bardhë. Ai ia arriti kësaj. E për këtë bast unë fitova një shishe Bourbon.
Tani dy vjet më vonë, të martën, sërish do të votohet në SHBA. Në fakt nuk është fjala më për presidentin, por për deputetët rajonalë që do të zgjidhen për të dyja dhomat e parlamentit. Por, në Amerikën e Donald Trumpit, në skenën politike nuk ka asgjë që mos të ketë të bëjë me të. Përkatësisht, po kaq intensivisht ai është përfshirë në luftën elektorale dhe gjatë javëve të fundit ka punuar për agjendën e vet, që ta ndajë botën në miq dhe armiq. Si p.sh. duke dërguar më shumë ushtarë në kufirin me Meksikën, nga sa janë dislokuar në Irak.
Me këtë presidenti ua lehtëson punën kundërshtarëve të tij. Stili i tij troç, agresiv, ekzagjerimet e tij, e gënjeshtrat e tij, provokojnë pa asnjë mëdyshje, objektet e tij të sulmit nuk lenë asnjë sulm presidencial pa përgjigje. Kjo e mban atë vet në aktivitet, por i frenon demokratët, që ata të fokusohen tek vetvetja dhe tek ripërtëritja në personel e program. Ata duke u indinjuar për çdo “tweet” të Trumpit, lënë pas dore formësimin e një kandidati, i cili pas dy vjetësh me karizëm dhe me përmbajtjet e duhura do të mund ta pengonte Trumpin, të merrte një mandat të dytë presidencial.
Kjo është mjaft e rrezikshme në një sistem dy partiak polarizues, sepse askush nuk është i varur nga koalicionet, që në një farë mase ta imponojnë gatishmërinë për kompromise. Por është parimisht e dëmshme për demokracitë, kur kampet janë kaq të përçara, aq sa askush nuk e dëgjon më palën tjetër. E që ndonjëherë edhe të mund ta pranojë që pala kundërshtare ka të drejtë.
Por, problemi më me pasoja që vendi do të trashëgojë nga Donald Trump është, shkatërrimi i aftësisë për të debatuar mbi argumentat. Sepse këtë e ka arritur tashmë mjeshtri i mesazheve në twitter dhe i polarizimeve. Njerëzit duan të besojnë, atë që ai thotë. Ata duan të besojnë, që ai sërish po bën që vendi i tyre të fitojë madhështinë e vjetër. Ata duan të besojnë, që një president i fortë i ҁliron ata nga sfidat e kësaj bote komplekse të globalizuar dhe u zgjidh atyre problemet.
Besimi nuk është dije. Faktet, dallimi mes së vërtetës dhe gënjeshtrës, humbasin gjithnjë e më shumë rëndësinë. Kjo është e vërteta e hidhur pas një viti lufte elektorale të Trumpit dhe pas dy vjetësh të presidencës së tij. Nëse hapësirat e jehonës së tij do të trazohen një herë e po ashtu edhe tifozit më të madh i tij do t’i duhet të kuptojë, që Trump thjesht ka gënjyer, atëherë kjo nuk do të ketë asnjë efekt. Sepse faktet nuk vlejnë më. Ky është problemi i mirëfilltë i Amerikës.
Nëse gjatë kërkimit të së vërtetës, rëndësia e fakteve nuk luan më rol dhe gënjeshtrat kalohen sikur të ishin pakujdesi të vogla, atëherë nuk është më i mundur formimi demokratik i mendimit. Kjo do të thotë tek e fundit, që nëse lëkundet themeli i të kuptuarit tonë të shtetit dhe demokracisë, autokratët jo vetëm që marrin pushtetin, por afatgjatë edhe mund ta sigurojnë atë.
Lufta Prigozhin - Putin
Më shumëTeknologjia e vijës së portës ka analizuar golin në El Clasico, është konfirmuar se ishte apo nuk ishte
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Gjatë një operacioni policor në Prishtinë e Gjilan, gjenden dy bunkerë dhe armë zjarri
Zelensky paralajmëron për një "Çernobil të dytë"
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
“Do të luajë dhe do të shënojë kundër Real Madridit” – Tuchel tregon se ylli i Bayern Munich është kthyer nga dëmtimi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre