Senatori Bob Dole, për më shumë se tri dekada, ka dhënë kontribut të çmuar për sovranitetin dhe pavarësinë e Kosovës.
Në ditëlindjen e 98-të të tij, ne sot (22 korrik 2021) kujtojmë dhe vlerësojmë përpjekjet e tij për të parandaluar agresionin serb, duke i dhënë drejtim ndërtimit të paqes dhe pavarësisë së Kosovën.
Janë tri veprime konkrete të cilat e bëjnë të veçantë kontributin e tij për 30 vjet rresht, për sa ka shërbyer si senator i ShBA-së dhe si Drejtues i Shumicës.
1. Dole i udhëhoqi përpjekjet në Kapitol Hillit për demokratizimin e Jugosllavisë, duke mbështetur të drejtën e shqiptarëve të Kosovës dhe të të tjerëve për vetëvendosje. Sipas ambasadorit amerikan Philip Kosnett, “vizita e Dole-it më 29 gusht 1990 (në Prishtinë), ishte pika e kthesës për lirinë e Kosovës. Vizita e tij ia hapi sytë e bashkësisë ndërkombëtare për abuzimet e vazhdueshme të të drejtave të njeriut.
Sekretari amerikan i Shtetit, James A. Baker III, shkroi se para vizitës që Dole bëri në Beograd, në qershor 1991, kishte shprehur “shqetësimin e vazhdueshëm të ShBA-së në lidhje me abuzimet sistematike të të drejtave të njeriut kundër shqiptarëve të Kosovës, që jetonin në gjendje lufte (ligj ushtarak) për dy vjet me radhë”. Kjo e solli vijën e kuqe të presidentit George W. Bush, më 1992, të njohur ndryshe si “Paralajmërimi i Krishtlindjeve”, duke kërcënuar me një përgjigje të njëanshme ushtarake të ShBA-së nëse Serbia ushtron dhunë ndaj shqiptarëve të Kosovës. Pa paralajmërimin e tillë, forcat serbe do të kishin shfryrë tërbimin e tyre në Kosovë – aty ku nisi konflikti Jugosllav.
2. Senatori Dole siguroi mbështetje nga të dyja palët për ndërhyrjen ushtarake të presidentit Bill Clinton, më 1999, për të parandaluar përsëritjen në Kosovë të asaj që kishte ndodhur në Bosnjë. E dënoi dhunën ushtarake dhe policore serbe në Kosovë, gjë që solli Misionin Verifikues të Kosovës (KVM). Megjithatë, ishte një nga të parët që kolaudoi se KVM-ja nuk po punonte.
Gjithashtu. Dole ndikoi në negociatat e Rambujesë. Sekretarja amerikane e Shtetit, Madeleine Albright, për këtë ka thënë: “Kur arrita në një pikë vërtet të vështirë në Rambuje, e thirra senatorin Dole. Ka qenë fantastik. Biseduam shumë si ta çojmë këtë proces para. E thirra sepse nuk isha në gjendje t’i vija në lëvizje shqiptarët. Ai e bëri këtë.” Megjithëse Rambujeja dështoi, ishte e rëndësishme të shteroheshin të gjitha opsionet diplomatike duke e lënë ndërhyrjen ushtarake si mundësi të fundit.
Senatori Dole, bashkë me kolegët e Senatit amerikan – si John McCain, John Warner, Joseph Lieberman, Christopher Dodd e të tjerë – mobilizoi mbështetjen e të dyja palëve për aksionet e NATO-s, gjë e cila në fund ndikoi në vendimin e Clintonit për të ndërhyrë.
3. Senatori Dole e kundërshtoi fuqishëm ndarjen e Kosovës dhe shkëmbimin e territoreve. Më 24 gusht 2018, këshilltari i Sigurisë Kombëtare, John Bolton, ka thënë se ShBA-ja nuk do ta kundërshtonte një shkëmbim territorial midis Kosovës dhe Serbisë, me kusht që Prishtina dhe Beogradi të punojnë për një “zgjidhje të pranueshme për të dyja palët”. Senatori Dole e kundërshtoi fuqishëm projektin e vjetër të Dobrica Çosiqit të ringjallur nga Aleksandar Vuçiqi për ta ndarë Kosovën në baza etnike. Ai mendonte se Serbia nuk duhet të fitojë përmes negociatave atë që nuk ia doli ta fitonte përmes spastrimit etnik. Për më tepër, Dole e kundërshtoi edhe kërcënimin e administratës së Donald Trumpit për tërheqjen e forcave të ShBA-sl nga Bondsteeli meqë e kishte të qartë se prania e trupave amerikane është esenciale për të parandaluar agresionin nga Serbia.
Senatori Dole është patriot amerikan që ka fituar respektin më të madh nga shqiptarët në të gjithë botën (në veçanti nga ata të Kosovës). Për ditën e tij të lindjes, ia vlerësojmë rolin e jashtëzakonshëm në Kosovë. Pa të Kosova nuk do të ishte e pavarur sot. Ne gjithashtu e nderojmë shërbimin e tij, si hero e si veteran i luftës; shërbimin e tij për interesat e ShBA-së gjithandej neper botë, si dhe përkushtimin e tij jetësor ndaj Shteteve të Bashkuara të Amerikës.
Lufta Prigozhin - Putin
Më shumëPDK voton kryesinë e re - pësojnë ndryshime në pozita disa prej figurave të njohura të kësaj partie
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle
Artisti Ledri Vula merr dhuratë nga KFOR-i
Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë
Mercenarët rus të Wagner po vrasin civilët në Mali
Pamje nga të shtënat ku nisi konflikti në Prishtinë, ku humbën jetën dy persona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes