Thi Hi Way është elefantja nga kopshti zoologjik në Chester të Anglisë, që befasoi mirëmbajtësit kur solli në jetë të voglin, tre muaj pas datës që pritej.

Elefanti i vogël ka ardhur në jetë nga nëna me përvojë, që është gjyshe dhe kryesuese e tufës, transmeton Telegrafi.

I porsalinduri është këlyshi shtatë i 35-vjeçares, nga shtatzënia prej 25 muajsh.

Aparati që matë hormonet, llogariti se Way do pjellë para tre muajsh, gjë që nuk ndodhi dhe ajo nisi të dobësohej. Megjithatë rrethanat e pazakonta, ajo dhe i vogli që ende nuk është emëruar, kanë gjendje shumë të mirë shëndetësore.

“Prej procesit të ngjizjes, e monitoruam nga afër mbarsjen e saj. Rënia e nivelit të hormoneve dhe peshës, ishin indikator se ajo po e absorbonte fëmijën – proces natyror që iu ndodh disa elefantëve” ka thënë veterineri i kopshtit.

Të gjitha të dhënat lidhur me rastin, pritet të shqyrtohen nga një grup ekspertësh, për të verifikuar vonesën e procesit të lindjes. /Telegrafi/