Një 13-vjeçar i ka dërguar një vizatim të veturës, themeluesit dhe drejtorit të Rimac Group – reagimi i tij merr shumë komente pozitive

Mate Rimac, themeluesi dhe CEO i Rimac Group, postoi foto dhe regjistrime të reja të Nevera në rrjetet sociale këtë javë.

Dhe një 13-vjeçar i ka dërguar një vizatim të një makine dhe e ka kërkuar mendimin e tij, duke marrë një përgjigje që “ka gëzuar miqtë e tij në Facebook”.

“Mate Rimac, pyes veten nëse ju pëlqen. Sikur ta dija do të thotë shumë për mua. Ju prezantoj dizajnin tim të rimac c3 coupe”, ka shkruar djali.

Ai mori një përgjigje shumë shpejt dhe Mate e vlerësoi djalin në një koment, përcjell Telegrafi.

“Punë shumë e bukur. Më pëlqen që ju aplikuat elementët tanë të ‘Design DNA’…”, ka shkruar ai.

Në një koment, Rimac më tej ka këshilluar djalin që të vazhdojë shkollimin dhe se me shumë mund dhe punë mund të bëhet dizajner.

“Unë sugjeroj që të shihni pak në YouTube se si bëhen modelet 3D dhe të edukoheni në atë drejtim. Me 10 vjet punë dhe përpjekje, mund të jeni një dizajner deri në moshën 23 vjeç. Shpresoj që më pas të dizajnoni makinat e ardhshme Bugatti dhe Rimac! Suksese!”, shtoi ai.

Mate thuhet se komunikon shumë shpesh me ndjekësit e tij në komentet në postimet në Facebook dhe këtë herë përgjigja e tij për 13-vjeçarin ka gëzuar publikun.

“Bravo. Më në fund një sipërmarrës normal dhe motivues”, “Bravo, ky është një sipërmarrës”, “Bravo mjeshtër. Mbështetja e njerëzve të mëdhenj dhe me ndikim si ju duhet patjetër nga njerëzve si ky i ri dhe një djalë premtues”, janë disa nga komentet. /Telegrafi/