Një ditë larg publikimit të këngës së re, Rita Ora vazhdon të publikojë imazhe joshëse me bikini nga xhirimet e klipit

Ajo ka vendosur që këngën e saj të re, ta publikojë me klip të premten.

Dhe Rita Ora dukej tejet joshëse në një seri fotografish nga prapaskenat e xhirimeve të klipit, për këngën e saj të re “You For Me” me DJ britanik, Sigala, shkruan DailyMail.

Këngëtarja 30 vjeçare, ka ngacmuar imagjinatën e fansave me publikimin e fotografive të ndryshme, ku shfaqet me bikini të kuqe duke u shëtitur në një pishinë.

Ajo dukej e bujshme ndërsa tregonte linjat e përsosura të trupit.

Bikinit e saj të kuqe kishin një detaj të madh trëndafili në pjesën e përparme, i cili nxirrte në pah këmbët e saj të holla.

Për të përfunduar ansamblin plotësisht të kuq, ajo mbante një palë syze dielli të mëdha, buzëkuqin e kuq të markës së saj dhe u mbrojt nga dielli me një ombrellë.

Në një çast tjetër, Rita ishte fotografuar e veshur me një kapele të kuqe noti, që mesa duket do të jetë një nga skenat më interesante të klipit.

Duket se një pjesë e videos muzikore, fansat do ta shohin Ritën të bashkohet me disa femra të tjera, të cilat po bëjnë not të sinkronizuar, me veshje të njëjta.

Ajo gjithashtu dukej se kishte kaluar një kohë fantastike duke notuar në pishinë, teksa xhironte klipin e këngës së re.

Rita Ora aktualisht ndodhet në Los Angeles, pas disa muajsh qëndrimi në Australi, ku edhe nisi një lidhje të rem e regjisorin Taika Waititi. /Telegrafi/