Autoritetet shpëtuan një burrë i cili tha se ishte bllokuar për dy ditë brenda një “bosht ventilatori” të madh në një vresht të Kalifornisë Veriore.

Sipas mediave të huaja, përcjell Telegrafi, burri u zbulua të martën nga një polic duke iu përgjigjur një telefonate në lidhje me një automjet të dyshimtë të parkuar pranë kantinës në Santa Rosa, tha Zyra e Sherifit të Qarkut Sonoma në një deklaratë.

Policia pa një kapelë në një pjesë të pajisjeve bujqësore dhe më pas e gjeti burrin të mbërthyer brenda boshtit të ventilatori të vreshtit dhe zjarrfikësit e shpëtuan atë.

“Burri tregoi se i pëlqente të bënte fotografi të motorëve të pajisjeve të vjetra të fermës”, citohet të ketë thënë deklarata.

Burri 38-vjeçar kërkoi trajtim mjekësor por pritet të shërohet plotësisht, tha zyra.

Ventilatorët e vreshtave përdoren për të qarkulluar ajrin nëpër hardhi për të mos ngrirë rrushin gjatë muajve të ftohtë. /Telegrafi/