Nisma Socialdemokrate njofton se kësaj partie i janë bashkuar dhjetëra intelektuale.
Partia e Fatmir Limajt përmes një komunikate ka bërë me dije se në një takim të mbajtur sot në zyrat qendrore në Prishtinë, në këtë subjekt kanë aderuar dhjetëra intelektuale.
Kryetari i Nismës Socialdemokrate, Fatmir Limaj, u ka uruar mirëseardhje. Ai i ka falënderuar që kanë zgjedhur Nismën Socialdemokrate për ta dhënë kontributin e tyre.
“Hapësirën dhe mundësinë për t’u marrë me aktivitete politike do ta keni. Ne e kemi Kuvendin e partisë në fund të majit. Po bëjmë një riorganizim të partisë dhe ju keni ardhur në kohën e duhur. Ju ftoj të angazhoheni në struktura”, ka thënë ndër të tjera Limaj.
Më tutje, ai ka thënë se qëllimi i organizatës politike është t’i shërbejë vendit.
“Jemi parti e cila nuk flet pa e analizuar mirë fjalën. E kam për obligim të ju them që nëse nuk i besoni konceptit tonë, mos u angazhoni. Unë kurrë nuk i shkoj mbrapa një procesi nëse nuk i besoj. Ne nuk japim premtime të kota. Ne besojmë se premtimi është zotim”, ka shtuar Limaj.
“Nisma është më me orientim socialdemokrat. Ne duam të ndërtojmë politika të cilat prekin shqetësimet e qytetarëve të vendit. Ne duam t’u ndihmojmë njerëzve që kurrë askush nuk u ka ndihmuar. Kemi familje me ndihma sociale të cilat mezi e kalojnë muajin dhe synimi ynë është t’u ndihmojmë këtyre njerëzve”, ka theksuar Limaj.
E nga ana e saj, kryetarja e Gruas së Nismës, Valdete Bajrami, u ka uruar mirëseardhje intelektualeve të cilat aderuan sot. Ajo është zotuar se të aderuarat do ta kenë hapësirën e duhur te Nisma Socialdemokrate. Nisma Socialdemokrate, sipas Bajramit, është adresa e duhur për ta dhënë kontributin e tyre.
“Pozita e Gruas në Kosovë nuk është në gjendje të mirë. Ne duhet të angazhohemi fuqishëm për ta përmirësuar këtë gjendje. Tash e tutje gjithçka varet nga ju sa jeni të gatshme të merrni vendime dhe të angazhoheni”, ka thënë Bajrami.
Ajo ka ftuar intelektualet të angazhohen fuqishëm në komunat nga vijnë, por edhe në qendër dhe t’i marrin përgjegjësitë që u takojnë. Mirëseardhje të aderuarave u ka uruar edhe sekretari i përgjithshëm i partisë, njëherësh shef i Grupit Parlamentar, Bilall Sherifi. Ai u ka uruar suksese në rrugëtimin e ri politik.
E, intelektualet të cilat iu bashkuan Nismës, thanë se duan që përmes këtij subjekti të kontribuojnë në procesin e shtet-ndërtimit.
Ato thanë se do të mundohen t’i zgjidhin problemet e grave gjithandej vendit. Programi politik dhe platforma, thanë se ishin ndër arsyet që i kanë bindur t’i bashkohen Nismës. Po ashtu edhe mbështetjen dhe hapësirën që po ua jep Nisma të rinjve dhe grave, thanë se është një tjetër arsye që i janë bashkuar Nismës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Jakim Nedellkov, Shaqirit: Tërhiqe menjëherë njoftimin për t’u kompensuar 24 prilli dhe 8 maji
“Marrje në pyetje e maltretim”, i riu nga Gjilani rrëfen për ndalimin në kufijtë e Serbisë
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Ndalimi i policëve të Kosovës, DASH: Serbia po bën veprime përshkallëzuese
Brnabiq arsyeton arrestimin e zv.drejtorit Jankoviq, reagon Surroi: Ndërhyrje në identitetin e serbëve të Kosovës
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Qeveria e RMV-së vendosi: 24 prilli dhe 8 maji ditë jo pune për të gjithë qytetarët
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Pa marrëveshje për dinarin, Bislimi: Ishte takim i kotë, Serbia e painteresuar për marrëveshje
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin