Nikollovski: Sllovenia është partner i rëndësishëm, punojmë në rritjen e shkëmbimit tregtar

Potencialet prodhimtarisë bujqësore të Maqedonisë, përkrahja dhe mundësitë për investim tek sektori agrar në Maqedoni, si dhe oferta turistike e shtetit, janë paraqitur në biznes forumin në suaza të panairit për ushqim dhe bujqësi AGRA2018, që mbahet në Gornja Radgona në Slloveni.

Ministri i Bujqësisë Lupço Nikollovski ka potencuar se Sllovenia është partner i rëndësishëm tregtar i Maqedonisë dhe se Qeveria e Maqedonisë punon në rritjen e shkëmbimit tregtar me Slloveninë, përcjell Telegrafi Maqedoni.

“Ministria e Bujqësisë, Pylltarisë dhe Ujërave e Republikës së Maqedonisë secilin vinë nga buxheti ndan mjete financiare në vlerë prej gjysmë milionë euro, për përkrahjen e firmave që eksportojnë, për promovimin e prodhimeve të tyre tek tregjet ndërkombëtare”, ka thënë Nikollovski, kumtoi Ministria e Bujqësisë, Pylltarisë dhe Ujërave.

Nikollovski ju ka bërë apel kompanive të Maqedonisë dhe Sllovenisë që t’i shfrytëzojnë mundësitë për bashkëpunim.

Ashtu siç vuri në dukje Kryetari i Kuvendit të Sllovenisë, Dejan Židan, shkëmbimi tregtar i përgjithshëm mes dy vendeve vjet në krahasim me vitin 2016 shënon rritje, po ashtu edhe këtë vit është regjistruar rritje.

Këtë vit, për herë të parë, Maqedonia është vendi partner i edicionit të 56-të të një prej panaireve më të mëdha ndërkombëtare ushqimore dhe bujqësore në Evropën Qendrore dhe Lindore, AGRA 2018./Telegrafi/