Burrat që hanë shumë mish rrisin rrezikun për t’u bërë infertilë, ka pohuar një studim.

Reklama

Ekspertët paralajmëruan se ata që planifikojnë të kenë një fëmijë duhet të sigurohen që po hanë nivele të kufizuara mishi pule, viçi dhe qengji.

Hulumtimi, i kryer në Universitetin e Worcester, zbuloi se dietat me proteina të larta ulin testosteronin e meshkujve me 37 për qind, shkruan The Sun.

Për njeriun mesatar, kjo do të shkaktonte testosteron të ulët mjekësor (hipogonadizëm), thanë ekspertët.

Lexo po ashtu:
Sipas një studimi, konsumi i mishit është i lidhur pozitivisht me jetëgjatësinë Sipas një studimi, konsumi i mishit është i lidhur pozitivisht me jetëgjatësinë

Studiuesi kryesor Joe Whittaker, një nutricionist, tha: “Nivelet e ulëta të testosteronit shkaktojnë numër të ulët të spermës, që është përcaktuesi kryesor i fertilitetit të meshkujve. Në studimin tonë, dietat me proteina të larta shkaktuan testosterone të ulët, kështu që ka shumë të ngjarë që ato të shkaktojnë edhe numër të ulët të spermës, gjë që do të reduktonte fertilitetin e meshkujve”.

Testosteroni i ulët lidhet gjithashtu me sëmundje kronike si sëmundjet e zemrës, diabeti dhe Alzheimer. Punimi, i botuar në revistën akademike Nutrition and Health, i përshkroi efektet si “helmim nga proteinat”, që është kur zbërthimi i proteinave në amoniak bëhet toksik.

Lexo po ashtu:
Infertilitetit mashkullor, si ta parandalojmë dhe si ta zgjidhim këtë problem Infertilitetit mashkullor, si ta parandalojmë dhe si ta zgjidhim këtë problem

Ai sugjeroi se trupi mund të bëhet shumë i zënë në ndreqjen e helmimit nga proteinat, saqë ai shtyp prodhimin e testosteronit.

Whittaker tha: “Do të duheshin një deri në dy javë për të parë shenjat e para të helmimit me proteina, si të përziera, diarre dhe testosteron i ulët (duke përfshirë simptomat e lidhura, p.sh. dëshirë e ulët seksuale). /Telegrafi/