Ngatërron burrin me drerin, gjuetari norvegjez e qëllon me snajper – shpëton mrekullisht (Video)

Një gjuetar që aksidentalisht kishte qëlluar një burrë në orët e para të mëngjesit që kishte dalë për të vrapuar pasi e kishte ngatërruar me drerin, po akuzohet për tentim vrasje në Suedi.

48-vjeçari emri i të cilit nuk është zbuluar, ka deklaruar në polici se kishte qëlluar aksidentalisht me snajper Olle Rosdahl, 75-vjeç, në qytezën Klippan në pjesën jugore të Suedisë, transmeton Telegrafi.

Por ,autoritet që e kanë publikuar videon që është filmuar përmes kamerës së vendosur në dylbinë e pushkës, thonë se cak i sulmit ishte njeriu kur u qëllua nga 180 metra largësi në nëntor të vitit të kaluar.

Ndërkaq Rosdahl që ishte zgjuar herët në mëngjes për të vrapuar në afërsi të shtëpisë së tij, ka deklaruar se kishte dëgjuar të shtënën nga pushka dhe në një moment ishte rrëzuar në tokë.

“Po të kishte shkuar plumbi vetëm dy centimetra më lart sigurisht se sot nuk do të isha gjallë”, ka deklaruar Rosdahl.

Megjithatë ai ishte dërguar me urgjencë në spital nga banorët e lagjes që e gjetën të përgjakur në tokë. Me të pranuar në spital, është konstatuar që organet vitale nuk ia kishte prekur plumbi.

E gjuetari nga Norvegjia që kishte vizituar Suedinë me të vetmin qëllim që të del në gjah për drerët dhe dhelprat, insiston se e shtëna ishte bërë aksidentalisht. /Telegrafi/