Ngasja e një Toyota Supra me 300 kilometra në orë nëpër autostradë, duket po aq e frikshme sa edhe mund të mendohet

Toyota Supra është një prej makinave sportive më të fuqishme dhe atraktive të këtij prodhuesi japonez, ndërsa është pëlqyer gjithmonë edhe nga ata që bëjnë modifikime makinash.

Anëtarët e TopAutoNL e kanë modifikuar fuqishëm një Supra, që të dalin për një xhiro të shpejtë në një autostradë gjermane, transmeton Telegrafi.

Megjithëse nuk janë dhënë detajet e modifikimit, mësohet se kjo Toyota i ka në përgjithësi 1,200 kuaj fuqi, ndërsa ngasja e saj me 300 kilometra në orë duket po aq e frikshme sa edhe mund të mendohet, pasi shpejtësia është shumë e lartë për një rrugë të hapur.

Shoferi profesionist, arriti të voziste këtë makinë që arrin shpejtësinë e Bugatti Veyron, derisa në rrugë kishte edhe shumë makina të tjera.

Kjo makinë, nuk është ndërtuar që të arrijë shpejtësi kaq të madhe, por modifikimi që i është bërë, u përballua me kapacitetin e makinës, derisa vozitej edhe më këtë shpejtësi. /Telegrafi/