Nga Ronaldo te De Jong: 15 transferimet e mëdha që mund të ndodhin ende para mbylljes së afatit kalimtar veror

Cristiano Ronaldo dhe Frenkie de Jong janë vetëm dy nga emrat e shumë lojtarëve që mund të ndryshojnë skuadër. 

Tashmë kanë ndodhur disa transferime të profilit të lartë këtë verë, me Erling Haaland që kaloi te Manchester City dhe Robert Leëandoëski që iu bashkua Barcelonës.

Megjithatë, ndërsa fillimi i sezonit të ri është pothuajse afër, trajnerët gjithmonë preferojnë që skuadrat e tyre të kenë më shumë lojtarë.

Goal.com ka zgjedhur 15 emrat më të lakuar deri më tani në këtë afat kalimtar të cilët mund të ndërrojnë skuadër para 1 shtatorit

Frenkie de Jong

Një nga sagat më të gjata të transferimeve të verës është ai i Frenkie de Jong në Manchester United.

Herët ose vonë ky transferim mund të ndodh.

Cristiano Ronaldo

Cristiano Ronaldo nuk ka luajtur ende një ndeshje parasezonale me Man United për arsye personale.

Ai duhet se kërkon larigmin dhe thuhet se vetëm Atletico Madridi e do.

Antony

Pavarësisht nëse Ronaldo qëndron në Old Trafford apo jo, Ten Hag e do Antonyn te Ajax.

United tashmë ka bërë një ofertë për brazilianin.

Jules Kounde

Jules Kounde te Chelsea dukej se ishte një marrëveshje e përfunduar, por Barcelona u kthye në garë dhe duket se tashmë ka mbyllur marrëveshjen.

Cesar Azpilicueta dhe Marcos Alonso

Chelsea do të tentojë të bllokojë çdo përpjekje të Barcelonës për të nënshkruar me Cesar Azpilicuetan dhe Marcos Alonson.

Azpilicueta dhe Alonso kanë ende edhe nga një vit kontratë me Chelsean.

Sergej Milinkoviç-Savic

Nuk kalon asnjë verë që Sergej Milinkoviç-Savic nuk është i lidhur me Juventusin.

Lucas Paqueta

Lëvizja e shumëpërfolur e Lucas Paqueta nga San Paolo në AC Milan nuk shkoi sipas planit. Ai luajti te Lyon dhe tani po lidhet me një tjetër lëvizje të madhe, këtë herë te Arsenal.

Bernardo Silva

Bernardo Silva donte të largohej nga Manchester City verën e kaluar dhe klubi ishte i gatshëm ta linte të largohej. Portugezi donte Spanjën, me Barcelonën dhe Atletico Madridin që ishin të interesuar.

Barça ende e sheh Bernardon si një nënshkrim të ëndrrave.

Neymar

PSG ka bërë të ditur se do të dëgjojë ofertat për Neymar, ku tashëm flitet edhe për Manchester United dhe Newcastle si të interesuar.

Marc Cucurella

Manchester City dhe Pep Guardiola tash e një kohë janë vënë pas spanjollit.

Por Brighton nuk po bie dakord për Marc Cucurella me Man Cityn, pasi qytetarët nuk duan të paguajnë shumë parë sic kanë bërë në të shkuarën.

Timo Werner

Thomas Tuchel tashmë ka hequr qafe një sulmues si Romelu Lukaku. Mos u habitni fare nëse Timo Werner është i radhës.

RB Leipzig, Borussia Dortmund dhe Bayern Munich janë të interesuar në Bundesligë, ndërsa pas nuk qëndrojnë as Newcastle dhe Juventus.

Gini Wijnaldum

Pak më shumë se një vit më parë, Gini Winjaldum ishte një lojtar kyç në Liverpool, ndërsa te Paris Saint-Germain, nuk e ka gjetur vetën. Roma thuhet po udhëheqë garën për nënshkrimin e tij.

Memphis Depay

Është e qartë se Memphis Depay është tepricë te Barcelona, ndërsa nuk përjashtohet një rikthim në Ligën Premier, ku ndër klubet e interesuara është edhe Manchester United.

Viktor Osimhen

Victor Osimhen nuk është në shitje dhe nigeriani thotë se është i lumtur në Napoli, por disa klube të Ligës Premier janë vënë pas tij.

Milan Skriniar

Milan Skriniar është lidhur vazhdimisht me një transferim te Paris Saint-Germain, por edhe Chelsea nuk qëndron prapa.

/Telegrafi/