Nga Messi te Tchouameni dhe Konate, formacioni më i mirë i gjysmëfinaleve në Kupën e Botës

Redaksia e sportit në portalin Telegrafi ka zgjedhur formacionin më të mirë pas dy gjysmëfinaleve të zhvilluara gjatë të martës dhe mërkurës në Kupën e Botës “Katar 2022”.

E marta dhe e mërkura mbrëma ishin të rezervuara për ndeshjet gjysmëfinale në Katar, ku të dy ndeshjet ishin shumë interesante.

Të martën mbrëma u zhvillua ndeshja mes Argjentinës dhe Kroacisë, ku fitore shënuan Albiceleste me rezultat të pastër 3-0.

9️⃣🕷 + 🔟🐐#Qatar2022 | #FIFAWorldCup pic.twitter.com/Hu5ucpkOiw

— AFC U23 Asian Cup Qatar 2024™ (@Qatar2023en) December 13, 2022

Golat në këtë ndeshje u shënuan nga Lionel Messi dhe dy të tjerë nga Julian Alvarez.

Në ndeshjen tjetër mes Francës dhe Marokut fitore shënuan “Gjelat” me rezultat 2-0, falë golave nga Theo Hernandez dhe Rangal Kolo Muani.

Huge performances from these two today 💪🇫🇷#FIFAWorldCup | #Qatar2022 pic.twitter.com/zBYE5khwbm

— FIFA World Cup (@FIFAWorldCup) December 14, 2022

Por, kush ishin lojtarët që shkëlqyen dhe patën paraqitje më të mira individuale gjatë ndeshjeve gjysmëfinale?

Redaksia e sportit në portalin Telegrafi, sikurse në çdo fazë të Kupës së Botës, edhe në gjysmëfinale ka zgjedhur formacionin më lojtarët më të mirë.

View this post on Instagram

A post shared by Telegrafi Sport (@telegrafisport)

I gjithë formacioni thuajse është i përbërë nga lojtarët e Argjentinës dhe Francës, që përfaqësohen me nga pesë lojtarë, ndërsa një është nga Maroku.

Në portë gjenden Hugo Lloris, ndërsa mbrojtja përbëhet nga Nahuel Molina, Nicolas Otamendi, Ibrahima Konate dhe Hernandez.

Në mesfushë renditen Azzedine Ounahi, Aurelien Tchouameni dhe Enzo Fernandez, ndërsa sulmi përbëhet nga Messi dhe Alvarez, të ndihmuar nga Antoine Griezmann pas tyre. /Telegrafi/