Nga Man City te Interi dhe PSG, përditësohen shanset e secilin klub për të fituar Ligën e Kampionëve

Kompania britanike analitike sportive, Opta, e cila ofron të dhëna për më shumë se 30 sporte në mbi 70 vende, me klientë që variojnë nga ligat dhe federatat tek transmetuesit dhe faqet e internetit të basteve ka publikuar së fundmi shanset për 1/8-tën, çerekfinale, gjysmëfinale, finale dhe për të fituar trofeun, për secilin nga klubet në Ligën e Kampionëve.

Liga e Kampionëve i zhvillohet gjatë ditës së sotme (e martë) dhe nesër (e mërkurë) ndeshjet e raundit të katërt të grupeve.

Megjithatë, tashmë disa klubeve veçse shihen të kualifikuara dhe disa ekipe tjera janë shumë afër të sigurojnë kualifikimin.

Kompania specialiste e të dhënave Opta veçse ka përditësuar të dhënat e ekipeve mbi shanset e tyre në secilën fazë, nga kalimi i grupeve te fitimi i Ligës së Kampionëve.

??? ???????????: Update ?

We take a look at our supercomputer’s latest #UCL predictions:

–– Favourites to win
–– Which team’s chances have moved the most since the draw
–– Who escapes from the Group of Death

Tap below to find out ??

— Opta Analyst (@OptaAnalyst) November 6, 2023

Ekipet që nuk janë përfshirë në listë të shanseve janë ato ekipe që llogaritet se nuk do ta kalojnë fare grupin, ku njëra nga to është Milani.

Ekipi që ka shanset më të mëdha të secilës fazë deri ta fitimi i trofeut është kampioni aktual, Manchester City me 32.4 për qind shanse për të triumfuar në fund.

Pas tyre vjen Real Madridi me 13.1 për qind shanse, Bayern Munichu i treti me 12.9 për qind, Arsenali me 7.5 për qind shanse dhe nën-kampioni i sezonit të kaluar, Interi i pesti me 6.9 për qind shanse.

Nga pozita gjashtë deri në pozitën dhjetë renditen klube si Barcelona, Atletico Madridi, Napoli, Paris Saint-Germain dhe Newcastle United.

Dy ekipet me më pak shanse për të fituar në fund janë Feyenoord me 0.5 për qind dhe Manchester United me 0.7 për qind, ndërsa ka shanse vetëm 46.2 për qind. /Telegrafi/