Nga kryeprokurori deri te gjyqtarët – këto janë pagat në sistemin e drejtësisë me ligjin e ri

Qeveria e Kosovës në mbledhjen e saj të fundit ka caktuar vlerën e koeficientit të pagave për punëtorët e sektorit publik.

Për vitin 2023 vlera e këtij koeficienti do të jetë 105 euro, ndërsa gjatë 2024-së pritet të jetë 110 euro, shkruan Telegrafi.

Ligji i Pagave që hyn në fuqi pas pak ditësh rregullon çështjen e pagave për mbi 82 mijë punëtorët e sektorit publik.

Për të llogaritur pagën duhet shumëzuar vlerën e koeficientit me koeficientin. Pra, pasi që vlera e koeficientit është 105 euro, zyrtari që ka pagë në koeficient 5 do të marrë pagë 525 euro bazë, pa llogaritur shtesat.

Lexo po ashtu Qeveria prezanton pagat bruto për secilin sektor – rritje nga 30 për qind deri 90 për qind për disa kategori

Bazuar në këtë përllogaritje, pagat në sistemin e drejtësisë do të jenë si më poshtë:

Kryetari i Gjykatës Supreme – 1,785 euro

Kryesuesi i Këshillit Gjyqësor – 1,732.5 euro

Kryetar i Gjykatës Themelore – 1,470 euro

Gjyqtar i Themelores – 1260 deri 1,396.5 euro

Gjyqtar në Gjykatën Kushtetuese – 1,722 euro

Kryeprokurori i Shtetit – 1,785 euro

Kryesuesi i Këshillit Prokurorial – 1,732.5 euro

Prokuror – 1,344 deri 1,260 euro

Kryeprokuror i Prokurorisë Speciale – 1,627.5 euro

Kryeprokuror i Prokurorisë së Apelit – 1,627.5 euro

Këto janë koeficientet për të gjithë të punësuarit në sistemin e drejtësisë:

/Telegrafi/