Newcastle kërcënon Milanin me padi për dënimin e Tonalit

Newcastle United thuhet se ka kërcënuar Milanin me një padi prej miliona eurosh për ndalimin e menjëhershëm të Sandro Tonalit shkaku i basteve.

Gazeta Corriere dello Sport nxjerr në pah se si mesfushori 23-vjeçar italian pritet të pezullohet sot nga Federata Italiane për përfshirjen e tij në skandalin e basteve në Serie A. Ai ka pranuar se ka vënë baste si në Brescia ashtu edhe te Milani gjatë kohës së tij në të dy klubet.

Ekipi ligjor i Tonalit po negocion një marrëveshje që ka të ngjarë ta shohë atë me një pezullim prej 10-12 muajsh dhe pritshmëria është që kjo të konfirmohet në orët në vijim, me të gjitha palët të interesuara për të finalizuar procedurat.

Lexo po ashtu Mësohet se sa do të dënohet Tonali për vënien e basteve, avokatët po mundohen ta ulin dënimin e mesfushorit

Të martën, Newcastle thuhet se kërcënoi se do të nisë një padi multimilionëshe kundër Milanit kur ndalimi i Tonalit të hyjë në fuqi, i zemëruar që nënshkrimi i tyre veror prej 70 milionë eurosh tani do të mënjanohet për pjesën tjetër të sezonit.

Paga e mesfushorit – rreth 8 milionë euro neto në sezon – do të pezullohet. Kjo vjen në kontrast të plotë me trajtimin e dënimit të Nicolo Fagiolit nga Juventus, i cili ka vendosur të paguajë pagën e tij të plotë dhe ta lejojë atë të stërvitet me ekipin e parë. /Telegrafi/